لە ئەنجامی داڕمانی بینایەک لە ویلایەتی ئۆتار پرادێشی هیندستان لانیکەم سێ کەس گیانیان لەدەستدا و ژمارەیەکی دیکەش برینداربوون.

ڕووداوەکە لەسەر ڕێگای وەزیر هاسەنگانج لە شاری لاکنۆی پایتەختی ئۆتار پرادێش رووی داوە.

بەگوێرەی میدیاکانی ئەو وڵاتە، باڵەخانەیەک بە هۆکارێکی نادیار داڕما.

دوای رووداوەکە تیمی تەندروستی و فریاگوزاری زۆر ڕەوانەی ناوچەکە کران.

لەئەنجامی چالاکیەکاندا ٣ کەس بە مردوویی لە داروپەردووەکە دەرهێنران، هاوکات چەند کەسێکیش بە برینداری رزگار کران.

لێکۆڵینەوە لە هۆکاری رووداوەکە دەکرێت.(İLKHA)