کاروانی ئومێد دەستی بە دروستکردنی مزگەوتی صلاح الدین ایوبی لە ئەفغانستان کرد
13 oC
13 oC
Güneşli
13 oC
Güneşli
وەقفی خێرخوازی کاروانی ئومێد دەستی بە دروستکردنی مزگەوتی صلاح الدین ایوبی لە کابولی پایتەختی ئەفغانستان کرد.
وەقفی خێرخوازی کاروانی ئومێد بەردەوامە لە چالاکیەکانی خێرخوازی لە وڵاتی ئەفغانستان کە لە ژێر داگیرکەری ئەمریکا رزگار بووە.
لە ئەنجامی چالاکیەکاندا وەقفەکە ژمارەیەکی زۆر چالاکی وەکو دابەشکردنی خۆراک و پارە و کەلوپەلی نووسین و گۆشتی سوور و جڵوبەرگ ئەنجام دایەوە. هەروەها لەو شوێنانەی کە پێویستە مزگەوت دروست دەکات.
جەنگیز کورتاران سەرۆکی گشتی وەقفی کاروانی ئومێد سەبارەت بە چالاکیەکەی ئەنجامدراو راگەیەندراوێکی بڵاو کردەوە و ئاماژەی بەوە کرد کە لە کاتێکی نزیکدا دروستکردنی مزگەوتەکە کۆتایی دێت و مزگەوتەکە بۆ عیبادەت دەکرێتەوە.
کورتاران ئاماژەی بەوە کرد کە پێشتر بناغەی مزگەوتەکە دانرابوو بەڵام بەهۆی نەبوونی دەرفتەکان دروستکردنی راگیرابوو و ئەوان وەک کاروانی ئومێد دروستکردنی مزگەوتەکەیان لە ئەستۆ گرتووە و دواتر وتی، "بەردەوامین لە چالاکیەکانی خێرخوازی لە ئەفغانستان. چەند رۆژ پێشتر مزگەوتەکانی سووسا و حاجی ئەحمەد کورتولمانمان کردەوە. إن شاء الله ئەمڕۆ بناغەی مزگەوتی صلاح الدین ایوبی دادەنێین. لەو کارە مەیدانییەی کە ئەنجاممان دا، مزگەوتێکمان دەستنیشان کرد کە ڕووبەرەکەی زیاتر لە ٦٠٠ مەتر چوارگۆشە بوو، شەش مەدرەسە و مزگەوتێکی لە سەرەوەی هەبوو، کە بناغەکانی دانرابوو بەڵام بەهۆی نەبوونی دەرفەتەکان نەتوانرا دروست بکرێت. بەهیوای ئەوەی ئەم مزگەوتە بە سپۆنسەری مامی حاجی ئەحەمەد کورتولمان، یەکێک لە خێرخوازانی کاروانی ئومێدمان تەواو بکەین."
بە خوێندنی قورئانی پیرۆز دەستی بە دروستکردنی مزگەوتەکە کرا. هەروەها لەکن مزگەوتەکە بە پشتگری خێرخوازەکان بیرێکی ئاو دروست کرا. یەکەمین هەڵکەندنی بیرەکە بەناوی زەمزەم-١٢ لەلایەن جەنگیز کورتاران سەرۆکی گشتی وەقفی کاروانی ئومێد ئەنجام درا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئیدارەی فڕۆکەخانەکانی پاکستان راگەیاند، ئاسمانی وڵاتەکە بۆ تەواوی گەشتە ئاسمانییەکان دووبارە کرایەوە.
ئەمڕۆ یەکشەممە ٢١ی ئایار جارێکی دیکە شاری مەسقەتی پایتەختی عومان میوانداری خولی چوارەمی دانوستانەکانی ناڕاستەوخۆی ئێران و ئەمریکا دەکات.
بزووتنەوەی خۆڕاگری ئیسلامی فەلەستین حەماس بانگێشتی دونیای کرد کە لە بەرامبەر نەتانیاهۆ و "بەکار هێنانی برسێتی وەک چەک لە دژی مەدەنییەکان" دەنگیان بەرز بکەن.
رەجەب تەیب ئەردۆغان سەرۆک کۆماری تورکیا لە پەیوەندیێکی تەلەفۆنی لەگەڵ ڤلادمیر پوتین سەرۆکی رووسیا راگەیاند کە تورکیا ئامادەیە میوانداری لە دانوستانەکانی نێوان رووسیا و ئۆکراینا بکات.
