یەکێک لە یەکەم کەسانێک پیرۆزبایی لە دۆناڵد ترامپ کرد کە رایگەیاند کە لە هەڵبژاردنەکانی ئەمریکادا سەرکەوتنی بەدەستهێناوە، بنیامین ناتانیاهۆ بەناو سەرۆک وەزیرانی رژێمی داگیرکەری سەهیۆنی بوو کە بە پشتیوانی ئەمریکا لە کەناری غەززە کۆمەڵکوژی ئەنجام دا.

نەتانیاهۆی داگیرکەر سەبارەت بە سەرکەوتنی دۆنالد ترامپ بە پێی ئەنجامە نافەرمییەکانی هەڵبژاردنی سەرۆکایەتی ئەمریکا پەیامێکی بڵاو کردەوە.

نەتانیاهۆ وتی، "پیرۆزبایی گەورەترین گەڕانەوەی مێژوو دەکەین! گەڕانەوەی مێژوویی ئێوە بۆ کۆشکی سپی سەرەتایەکی نوێ بۆ ئەمریکا و پابەندبوونێکی بەهێز بە هاوپەیمانی گەورەی نێوان ئیسرائیل و ئەمریکا پێشکەش دەکات. ئەمە سەرکەوتنێکی گەورەیە!"

نەتانیاهۆی داگیرکەر بە وەرگرتنی پشتگری بێ سنووری لە ئەمریکاوە زیاتر ساڵێکە بەردەوامە لە کۆمەڵکوژی و جینۆساید لە کەناری غەززە.

کەیر ستارمەر سەرۆک وەزیرانی بەریتانیا پیرۆزبایی ترامپ کرد و سەرکەوتنەکەی ترامپی وەک سەرکەوتنێکی "مێژوویی" وەسف کرد.

سترامەر وتی، "بەهۆی سەرکەوتنی مێژوویی پیرۆزبایی لە ترامپ دەکەم کە وەک سەرۆک هەڵبژێردرا. وەک نزیکترین هاوپەیمان، شان بە شان دەوەستین بۆ بەرگریکردن لە بەها هاوبەشەکانمان لە ئازادی و دیموکراسی و کارگێڕی. دەزانم پەیوەندی تایبەتی بەریتانیا و ئەمریکا بەردەوام دەبێت، لە گەشەی (ئابووری)ەوە بۆ ئاسایش و داهێنان و تەکنەلۆژیا."(İLKHA)