لە ئەنجامی بۆردومانکردنی ئۆتۆمبێلێک لە لایەن فڕۆکەکانی جەنگی رژێمی داگیرکەر لە شاری تولکەرم کەرتی ڕۆژئاوای داگیرکراو ٤ کەس شەهید بوون و ٣ کەسیش بە سەختی بریندار بوون.

بە پێی راگەیەندراوی ئاژانسی فەرمی هەواڵەکانی فەلەستین وەفا، لە ئەنجامی بۆردومانکردنی ئۆتۆمبێلێک لە گەڕەکی بەلاونە لە کەمپی تولکەرمی کەرتی ڕۆژئاوای داگیرکراو ٤ کەس شەهید بوون و ٣ کەسیش بریندار بوون.

لە گرتەڤیدیۆکان دەبینرێت کە ئۆتۆمبێلەکە بە گشتی ئاگری گرتووە و سووتاوە.

دوای شەهیدبوونی ٤ کەس لە ئەنجامی هێرشەکەدا ژمارەی شەهیدەکان لە کەرتی ڕۆژئاوا ئەمڕۆ گەشتە ٦ کەس.

سەهیۆنییەکانی داگیرکەر ئەمڕۆ بەیانی هێرشیان کردبوو سەر شاری نابلوس و لە ئەنجامی هێرشەکەدا ٢ کەس شەهید بوبوون کە یەکێکیان ئافرەتێکی ٨٠ ساڵە بوو.

لە ٧ی تشرینی یەکەمی ٢٠٢٣یەوە لە ئەنجامی هێرشەکانی رژێمی داگیرکەر لە کەرتی ڕۆژئاوا ٨٢٤ کەس شەهید بوون کە ١٦٨یان منداڵن و ٦ هەزار و ٥٠٠ کەسیش بریندار بوون.(İLKHA)