لە ئەنجامی بۆردومانکردنی دەوربەری نەخۆشخانەی عەدوان لە باکووری کەناری غەززە ٣ کەس شەهید بوون و ژمارەیەکی زۆر کەسیش بریندار بوون.

نەخۆشخانەی کەمال عەدوان لە باکووری کەناری غەززە لە دوێنێوە کەوتۆتە ژێر هێرشی داگیرکەران، ئەمەش لەکاتێکدایە کە داوای دەستێوەردان بۆ رزگارکردنی نەخۆش و کارمەندانی پزیشکی دەکرێت.

سوپای داگیرکەر دەوروبەری نەخۆشخانەی کەمال عەدوان لە شارۆچکەی بەیت لاهیا لە باکووری کەناری غەززەی بۆردومان کرد. بەگوێرەی زانیارییە سەرەتاییەکان، لە ئەنجامی هێرشەکەدا ٣ کەس گیانیان لەدەستدا و ژمارەیەکی زۆریش برینداربوون.

بە پێی راگەیەندراوی سەرچاوە پزیشکییەکان، داگیرکەران بەردەوام بوون لە بۆردومانکردنی نەخۆشخانەکە بە بۆمب و تۆپخانە بەشی منداڵبوون و ئافرەتان و تازەلەدایکبووانیان کردە ئامانج. بەهۆی هێرشەکانەوە پەیوەندی لەگەڵ تیمی پزیشکی ناوەوەش پچڕاوە.

سوپای داگیرکەر لە ٧ی تشرینی یەکەمی ٢٠٢٣ەوە بەردەوامە لە هێرشەکانی بۆ سەر کەناری غەززە و لە ئەنجامی هێرشەکەدا ٤٥ هەزار و ٢٥٩ کەس شەهید بوون کە زۆربەیان ئافرەت و منداڵ بوون و ١٠٧ هەزار و ٦٢٧ کەسیش بریندار بوون. هێشتا هەزاران قوربانی لە ژێر داروپەردوو و لەسەر ڕێگاکان نێژراون، بەڵام ئەمبولانس و تیمەکانی فریاگوزاری ناتوانن بگەنە ناوچەکان.(İLKHA)