رژێمی داگیرکەری سەهیۆنی ٢٥ ئەسیری غەززەیی کە کاتی هێرشی زەوینی دەستبەسەرکردبوو ئازاد کرد.

بە پێی راگەیەندراوی میدیاکانی فەلەستینی، بە ناوبژوانی خاچیسوور ٢٥ ئەسیری فەلەستینی لە دەروازەی کەرەم ئەبو سالمەوە ئازاد کراون.

ئەسیرەکان بۆ چارەسەری رەوانەی نەخۆشخانەی ئەوروپا لە شاری خان یونس کران.

دەستنیشان کرا، بەشێکی گەورەی ئەسیرەکان خەلکی باکووری کەناری غەززە بوون و لە کاتی هێرش سەر ناوچەکە دەستبەسەر کرابوون.

باس لەوە کرا، هەنێک لە ئەسیرەکان تووشی ئەشکەنجەکانی زۆر توند و رەفتاری نامرۆڤانە بوون و کاتێک ئازاد کراون راستەخۆ سەجدەی شوکریان ئەنجام داوە.

ئەسیرەکانی غەززەیی باس لەوە دەکەن کە بۆ ماوەی چەندین هەفتە ئەشکەنجە دراون و شوێنی ئەشکەنجەکان لە سەر جەستەیان ماوە.

بە پێی ئامارەکانی دایرەی کاروباری ئەسیران و ئەسیرانی پێشوو، لە غەززە نزیکەی ٢ هەزار و ٥٠٠ پیاو و ئافرەت لە زیندانەکانی جیاواز بەندکراون.(İLKHA)