ئیتامار بن گڤیر بەناو وەزیری ئاسایشی نەتەوەیی سەهیۆنی داگیرکەر کاردانەوەی بەرامبەر ئەو ڕێککەوتنە دەربڕی کە ئامانجی کۆتایی هێنان بە کۆمەڵکوژی غەززەیە و ئەو ڕێککەوتنەی بە "تەسلیمبوون بە حەماس" وەسف کرد.

بن گەڤیری سەهیۆنی داگیرکەر دژایەتی خۆی بۆ ئەو ڕێککەوتنە راگەیاند کە ئامانجی کۆتایی هێنان بە کۆمەڵکوژی غەززەیە و پێشکەوتنی بەرجەستەی لە دانوستانەکانی ناڕاستەوخۆ بە ناوبژیوانی میسر و قەتەر بەخۆیەوە بینیوە.

بن گەڤیر لە پۆستێکیدا لە سۆشیال میدیا ڕێککەوتنەکەی بە "رێککەوتنی تەسلیمبوون بە حەماس" وەسف کرد و داوای لە هاوبەشە هاوپەیمانییەکەی، وەزیری دارایی بیزالیل سمۆتریچ کرد، ئەگەر حکومەتی داگیرکەر بڕیارێکی لەو شێوەیە بدات، لە حکومەت بکشێتەوە.

بن گەڤیر لەو ڤیدیۆیەی کە بڵاویکردووەتەوە دەڵێت، "با بچینە لای سەرۆک وەزیران (بینامین ناتانیاهۆ) و پێی بڵێین ئەگەر ئەم ڕێککەوتنە قبوڵ بکات ئێمە لە حکومەت دەکشێینەوە."

زانراوە کە سمۆتریچ، هاوبەشی دیکەی هاوپەیمانییەکە، هەڵوێستێکی توندی وەک بن گەڤیر نەبووە و هەڕەشەی هەڵوەشاندنەوەی حکوومەتی نەکردووە، سەرەڕای ئەوەی پێشتر ڕایگەیاندبوو کە دژی ڕێککەوتنەکە بووە.(İLKHA)