لە باشووری کالیفۆرنیا دوو ئاگرکەوتنەوەی نوێ لە ناو دارستان بەهۆی بایەوە روویانداوە. ئەمەش لەلایەن پۆرتاڵی ئەکسیۆسەوە بڵاوکراوەتەوە.

بەگوێرەی میدیا ناوخۆییەکان، بەهۆی بەردەوامی کەشوهەوای مەترسی ئاگرکەوتنەوە، ئاگری نوێ لە ناوچەکە کەوتووەتەوە و شەپۆلێکی نوێی چۆڵکردنی خەڵکی لێکەوتووەتەوە.

کەشناسی نیشتیمانیی پێشبینی دەکات "هۆکارەکانی مەترسی ئاگرکەوتنەوە لە باشووری کالیفۆرنیا بەردەوامن".

دەوترێت ئاگرەکان کە ناویان لێنراوە سکاوت و ستۆن و لە ناوچەی ڕیڤەرساید کەوتووەتەوە. مەترسی زۆری ئاگرکەوتنەوە لە ناوچەی سان دیێگۆ ماوەتەوە، کە بای بەهێز لەوێ روودەدات.

شارەزایانی کەشناسی پێشبینی دەکەن هەفتەی داهاتوو بارودۆخی کەشوهەوا خراپتر دەبێت و ئەمەش ئەگەری هەیە ئاگری نوێی لێبکەوێتەوە.

زیانی گیان و زیانی ماڵی لە زیادبووندایە لە ئاگرکەوتنەوە کێوییەکان کە چەند ڕۆژێکە لە شاری لۆس ئەنجلس و دەوروبەری ویلایەتی کالیفۆرنیا بەردەوامە. بەپێی دوایین داتاکان ژمارەی ئەو کەسانەی بەهۆی ئاگرکەوتنەوەکانەوە گیانیان لەدەستداوە بۆ ٢٤ کەس بەرزبووەتەوە.

ئاگرکەوتنەوەکان ناوچەیەکی فراوانی لە چەند ناوچەیەکی لۆس ئەنجلس گرتەوە و وێرانکارییەکی زۆری لێکەوتەوە. زیانێکی گەورە بە تایبەت لە ناوچەکانی پاسیفیک پالیسادز و ئیتۆن روویدا.

لەڕووی زیانەکانی موڵک و ماڵی، شارەزایان مەزەندە دەکەن کە کۆی زیان و زیانە ئابوورییەکانی زریانی با و ئاگرکەوتنەوەی کێوییەکانی باشووری کالیفۆرنیا لە نێوان ٥٢ بۆ ٥٧ ملیار دۆلار دەبێت، بەڵام بەلایەنی کەمەوە بە ١٥٠ ملیار دۆلار مەزەندە دەکرێت.(İLKHA)