13 oC 
Güneşli
ڕێکخراوی چاودێری مافەکانی مرۆڤ داوای لە وڵاتی هەنگاریا کرد ئەگەر بنیامین نەتانیاهۆ بەناو سەرۆک وەزیرانی ڕژێمی داگیرکەر سەردانی هەنگاریا بکات دەستگیری بکات.
ڕێکخراوی چاودێری مافەکانی مرۆڤ کە ناوەندەکەی لە نیویۆرکە، داوای لە هەنگاریا کرد کە ڕێگری لە هاتنە ناوەوەی نەتانیاهۆ بەناو سەرۆکوەزیرانی رژێمی داگیرکەر بۆ ئەو وڵاتە بکات یان دەستگیری بکات.
ڕێکخراوی چاودێری مافەکانی مرۆڤ ئاماژەی بە فەرمانی دەستگیرکردن نەتانیاهۆ کرد لە مانگی تشرینی دووەمی ٢٠٢٤ لەلایەن دادگای تاوانەکانی نێودەوڵەتییەوە دەرچووە.
باس لەوە کرا کە هەنگاریا یەکێکە لە لایەنەکانی دادگای نێودەوڵەتی تاوانەکان و دەبێت تاوانبارەکانی کە دەچێتە ناو وڵاتەکەی دەستگیر بکات و دادگا هێزی پۆلیسی تایبەتی خۆی نییە، بۆیە پێویستی بە هاوکاری دەوڵەتان هەیە.
ڤیکتۆر ئۆربان سەرۆک وەزیرانی هەنگاریا پێشتر رایگەیاندبوو کە ناتانیاهۆ بانگهێشتی وڵاتەکەی دەکات و دڵنیایی دابوو کە فەرمانی دەستگیرکردنەکە هیچ کاریگەرییەکی نابێت لە هەنگاریا. بڕیارە لە ٢-٦ی نیسان، نەتانیاهۆ سەردانێکی فەرمی بۆ هەنگاریا ئەنجام بدات.
بە بڕیارەکەی کە لە ٢١ی تشرینی دووەمی ٢٠٢٤ دا، دادگای نێودەوڵەتی تاوانەکان فەرمانی دەستگیرکردنی بۆ ناتانیاهۆ و یۆاڤ گالانت وەزیری بەرگری ئەوکاتی دەرکرد بەهۆی تاوانەکانی جەنگ و تاوانەکانی دژ بە مرۆڤایەتی کە لە غەززە ئەنجامدراون. بەپێی پەیڕەوی ناوخۆی ڕۆما، ئەو وڵاتانەی لایەنی دادگان، دەبێت پابەندی ئەم بڕیارە بن.
هەر لەبەر ئەم هۆکارەش باس لەوە دەکرێت کە ناتانیاهۆ و گالانت ڕەنگە ناچاربن خۆیان لە گەشتکردن بۆ ١٢٤ وڵات بەدوور بگرن، وەک وڵاتانی یەکێتی ئەوروپا، کەنەدا، ژاپۆن، ئوسترالیا و بەریتانیا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەرنامەی خۆراکی جیهانی راگەیاند، بەهۆی کەمیی پشتگری دارایی هاوکاری بە پەنابەرانی سوری لە لوبنان لە سەدا ٤٠ کەمی کردووە.
رێکخراوەکانی فڕیاگوزاری نەتەوە یەکگرتووەکان راگەیاند، بەهۆی هێرشەکانی کە دوو هەفتە پێشتر دووبارە دەستیان پێکرد نزیکەی ٢٨٠ هەزار غەززەیی ئاوارە بوون.
بزووتنەوەی خۆڕاگری ئیسلامی فەلەستین حەماس بۆ نیشاندانی پشتیوانی لە خەڵکی غەززە و ناڕەزایەتی دەربڕین بە کۆمەڵکوژییەکانی داگیرکەرانی سەهیۆنی بە پشتیوانی ئەمریکا، ڕۆژی هەینی بە ڕۆژی جیهانی تووڕەیی ناساند.
هێزەکانی داگیرکەر قوتابخانەی دارالارقم لە گەڕەکی توفاحی غەززەیان بۆردومان کرد و لە ئەنجامی هێرشەکەدا زیاتر لە ٣٠ کەس شەهید بوون و ژمارەیەکی زۆر کەسیش بریندار بوون.
