هەنگاریا لە دادگای نێودەوڵەتی تاوان دەکشێتەوە
13 oC
13 oC
Güneşli
13 oC
Güneşli
هەنگاریا لە کاتی سەردانەکەی بنیامین نەتانیاهۆ بەناو سەرۆک وەزیرانی رژێمی داگیرکەر بۆ وڵاتەکەی بڕیاری کێشانەوە لە دادگای نێودەوڵەتی تاوان دایەوە.
گەرگەلی گولیاس وەزیری دەوڵەت و وتەبێژی حکومەتی هەنگاریا راگەیاند کە حکومەتی وڵات دەستی بە قۆناغی کێشانەوە لە دادگای نێودەوڵەتی تاوان کردووە.
گولیاس ئاماژەی بەوە کرد کە دادگای تاوانی نێونەتەوەیی تاکە دادگای هەمیشەیی نێودەوڵەتییە کە بۆ دادگاییکردنی تاوانەکانی جەنگ و تاوانەکانی جینۆساید دامەزراوە، هەروەها رایگەیاند کە هەنگاریا لە چوارچێوەی دەستوور و یاسا نێودەوڵەتییەکان لەم دادگایە دەکشێتەوە.
ئەم بڕیارە ڕاستەوخۆ دوای سەردانەکەی نەتانیاهۆی بەناوی سەرۆک وەزیرانی رژێمی داگیرکەر بۆ بوداپێست هات کە بەهۆی تاوانەکانی جەنگ کە لە غەززە ئەنجامدراون لەلایەن دادگای نێودەوڵەتی تاوانەوە فەرمانی دەستگیرکردنی نێودەوڵەتی بۆ دەرکرا.
نەتانیاهۆی داگیرکەر بە مەراسیمێکی سەربازی لەلایەن ڤیکتۆر ئۆربانەوە پێشوازی لێکرا. ئۆربان دڵنیایی دابووە نەتانیاهۆ سەرەڕای بڕیارەکەی دادگای نێودەوڵەتی تاوانەکان دەستگیر ناکرێت. سەرەڕای ئەوەی هەنگاریا لە ئەندامانی دامەزرێنەری دادگای نێودەوڵەتی تاوانەکانە، بەڵام رایگەیاند کە بڕیارەکانی دادگاکە جێبەجێ ناکات.
ڤیکتۆر ئۆربان، سەرۆک وەزیرانی هەنگاریا، فەرمانی دەستگیرکردنی دادگای نێودەوڵەتیی تاوانەکانی دژی نەتانیاهۆی بە "گوستاخی" وەسفکرد و لە مانگی نۆڤەمبەردا نەتانیاهۆی بانگهێشتی هەنگاریا کرد.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رێکخراوەکانی فڕیاگوزاری نەتەوە یەکگرتووەکان راگەیاند، بەهۆی هێرشەکانی کە دوو هەفتە پێشتر دووبارە دەستیان پێکرد نزیکەی ٢٨٠ هەزار غەززەیی ئاوارە بوون.
بزووتنەوەی خۆڕاگری ئیسلامی فەلەستین حەماس بۆ نیشاندانی پشتیوانی لە خەڵکی غەززە و ناڕەزایەتی دەربڕین بە کۆمەڵکوژییەکانی داگیرکەرانی سەهیۆنی بە پشتیوانی ئەمریکا، ڕۆژی هەینی بە ڕۆژی جیهانی تووڕەیی ناساند.
هێزەکانی داگیرکەر قوتابخانەی دارالارقم لە گەڕەکی توفاحی غەززەیان بۆردومان کرد و لە ئەنجامی هێرشەکەدا زیاتر لە ٣٠ کەس شەهید بوون و ژمارەیەکی زۆر کەسیش بریندار بوون.
رژێمی داگیرکەری سەهیۆنی ئەمڕۆ بەیانی ڕۆژهەڵاتی شاری خان یونسی بۆردومان کرد و لە ئەنجامی هێرشەکەدا ١٠ فەلەستینی شەهید بوون و ژمارەیەکی زۆر کەسیش بریندار بوون.
