13 oC 
Güneşli
وەزارەتی تەندروستی فەلەستین راگەیاند کە ژێرخانی تەندروستی بەهۆی هێرش و گەمڕۆ رژێمی سەهیۆنی نزیک بە تەواوی داڕماوە و داوای لە کۆمەڵگەی نێودەوڵەتی کرد بەپەلە دەستێوەردان بکات و سەرنجی بۆ داڕمانی سیستەمی تەندروستی لە غەززە راکێشا.
وەزارەتی تەندروستی غەززە لە بەیاننامەیەکدا رایگەیاند، "نەخۆشخانە و دامەزراوە تەندروستییەکان لە غەززە زۆر لە توانایان زیاتر کاردەکەن، کەمیی دەرمان و پێداویستی پزیشکی هەیە، هەروەها سووتەمەنی بۆ کارپێکردنی مۆلیدەکان نییە، ئەمەش مەترسییەکی گەورەیە بۆ سەر هەزاران نەخۆش و بریندار و منداڵان و ئافرەتانی دووگیان و بەساڵاچووان بە تایبەتی مەترسییان لەسەرە."
لە راگەیەندراوەکەدا ئاماژە بەوە کراوە، کەمیی خۆراک و ئاو قەیرانی تەندروستی زیاتر قووڵتر کردووەتەوە.
وەزارەتەکە داوای لە کۆمەڵگەی نێودەوڵەتی، وڵاتانی دۆست و برادەر و رێکخراوە یارمەتییە مرۆییەکان کرد کە فشار بخەنە سەر رژێمی سەهیۆنی بۆ ئەوەی دەستبەجێ دەرمان، پێداویستی پزیشکی و سووتەمەنی بۆ غەززە بنێرن. هەروەها پێویستە تیمە پزیشکییە نێودەوڵەتییەکان ڕەوانەی غەززە بکرێن بۆ پشتیوانیکردن لە کارمەندانی پزیشکی ناوخۆیی.
وەزارەتەکە هەروەها سەرنجی ڕاکێشا بۆ قەیرانی دارایی کە مەترسی لەسەر بەردەوامی خزمەتگوزارییە تەندروستییەکان دروست دەکات و بە هۆی ڕێگری کردنی رژێمی سەهیۆنی لە سەرچاوە داراییەکانی فەلەستین، قەرزی نەخۆشخانەکان بە کەرتی تایبەت و کۆمپانیاکانی دەرمان زیادی کردووە، ئەمەش وای کردووە کە دابین کردنی خزمەتگوزارییە تەندروستییەکان قورس بێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەرنامەی خۆراکی جیهانی راگەیاند، بەهۆی کەمیی پشتگری دارایی هاوکاری بە پەنابەرانی سوری لە لوبنان لە سەدا ٤٠ کەمی کردووە.
رێکخراوەکانی فڕیاگوزاری نەتەوە یەکگرتووەکان راگەیاند، بەهۆی هێرشەکانی کە دوو هەفتە پێشتر دووبارە دەستیان پێکرد نزیکەی ٢٨٠ هەزار غەززەیی ئاوارە بوون.
بزووتنەوەی خۆڕاگری ئیسلامی فەلەستین حەماس بۆ نیشاندانی پشتیوانی لە خەڵکی غەززە و ناڕەزایەتی دەربڕین بە کۆمەڵکوژییەکانی داگیرکەرانی سەهیۆنی بە پشتیوانی ئەمریکا، ڕۆژی هەینی بە ڕۆژی جیهانی تووڕەیی ناساند.
هێزەکانی داگیرکەر قوتابخانەی دارالارقم لە گەڕەکی توفاحی غەززەیان بۆردومان کرد و لە ئەنجامی هێرشەکەدا زیاتر لە ٣٠ کەس شەهید بوون و ژمارەیەکی زۆر کەسیش بریندار بوون.
