رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە لە کەرتی ڕۆژئاوای داگیرکراو زیاتر لە ١٦ هەزار و ٤٠٠ کەسی دەستبەسەر کردووە.

دامەزراوی ئەسیرانی فەلەستینی لە راگەیەندراوێک باسی لەوە کرد، رژێمی داگیرکەر لە مانگی ئادار لە چەندین ناوچەی کەرتی ڕۆژئاوا ٨٠٠ کەسی دەستبەسەر کردووە. لە ٧ی ئۆکتۆبەری ٢٠٢٣یەوە ژمارەی ئەسیرەکان گەشتووە ١٦ هەزار و ٤٠٠ کەس. ٥١٠ کەس لە ئەسیرەکان ئافرەت و نزیکەی ١٣٠٠یان منداڵن. ئەم ژمارەیە تەنها ئەسیرەکانی کەرتی ڕۆژئاوا لە خۆدەگرێت و ئەسیرەکانی غەززەیی کە هەزاران کەسن لە خۆناگریت.

رژێمی داگیرکەری سەهیۆنی لە ژێرناوی "بەندکردنی ئیداری" بە بێ هیچ بیانوویێکی بەناو یاسایی ٣ هەزار و ٤٩٨ کەسی زیندانی کردووە کە زیاتر لە ١٠٠یان منداڵن. ئەمەش وەک بەرزترین هەژمارە لە دەیان ساڵی کۆتاییدا تۆماڕ کراوە. بە دادگاکانی ساختەی سەربازی نایاساییەکەی پتەوتر دەکرێت.

لە مانگی ئاداردا ٣ ئەسیری فەلەستینی گیانیان لەدەستدا. یەکێک لەوانە منداڵێکی ١٧ ساڵە بە ناوی وەلید ئەحمەد لە زیندانی مەگیدۆ کە بەهۆی کەمتەرخەمییەکانی رژێمی داگیرکەر و مامەڵەی خراپ شەهید بوو. منداڵەکە کە تووشی نەخۆشی ئیسکی بوو، بەهۆی برسێتی سیستماتیکەوە شەهید بوو.

مامەڵەکردن لەگەڵ ئەو کەسانەی لە غەززە بە دیل گیراون، نزیکە بگۆڕێت بۆ ئەشکەنجەدانی سیستماتیکی. ئیسکی بە شێوەیەکی بەرفراوان و چارەسەری نییە. ئەسیرەکان ناچارن پێداویستییەکانی ئاودەستیان لەناو دەبەدا بکەن. بەردەوام دەستبەند دەکرێن و بە زۆر بۆ چەند کاتژمێرێک لەناو دۆخی ئازاربەخشەوە دەمێنن. مافی سەردانکردن نزیکەی بە تەواوی رێگری لێکراوە.

تاوەکو مانگی نیسانی ٢٠٢٥ لە زیندانەکانی رژێمی داگیرکەر زیاتر لە ٩ هەزار ٩٠٠ ئەسیری فەلەستینی هەن. ٣ هەزار و ٤٩٨یان بەندکراوی ئیداری، ٤٠٠یان منداڵ و ٢٧یان ئافرەتن. تەنها لە ٦ مانگی کۆتاییدا لانیکەم ٦٣ ئەسیر شەهید بوون. ئەم ژمارەی تەنها ئەو کەسانە لە خۆدەگرێت کە ناسنامەیان پشتڕاست کراوە. ناسنامەی بەشێکی گەورەی ئەسیرەکانی فەلەستینی دەشاردرێتەوە.(İLKHA)