عەلی یەرلیکایا وەزیری ناوخۆی تورکیا راگەیاند، لە ئەنجامی ئۆپڕاسیۆن لە ٤٩ پارێزگای تورکیا ٢١٠ گومانلێکراو دەستبەسەر کران.

عەلی یەرلیکایا وەزیری ناوخۆی تورکیا لە هەژمارەی خۆی لە تۆڕی کۆمەڵایەتی ئێکس راگەیاند، لە ماوەی دوو هەفتەدا لە ٤٩ پارێزگا لە دژی داعش ئۆپڕاسیۆن ئەنجام دراوە و ٢١٠ کەس دەستبەسەر کراون.

ناوبراو باسی لەوە کرد، ئۆپڕاسیۆنەکان بە هەماهەنگی لە نێوان داواکاری گشتی، سەرۆکایەتی هەواڵگری تورکیا (میت)، سەرۆکایەتی دایرەی تێکۆشان لە بەرامبەر تیرۆر سەر بە بەڕێوبەرایەتی گشتی ئاسایش ئەنجام دراوە.

دەستنیشان کرا، ئۆپڕاسیۆنەکان لە پارێزگاکانی ئەدەنە، ئەنقەرە، ئەتالیا، باتمان، بینگۆل، دیاربەکر، ئیلازغ، ئەرزنجان، عەنتاب، هەتای، ئیستانبوول، ئیزمیر، مەرعەش، کلیس، قۆنیە، مەلەتی، مێردین، مێرسین، عوسمانیە، ڕحا، وان و چەند پارێزگای دیکە ئەنجام دراوە.(İLKHA)