بزووتنەوەی انصارالله-ی یەمەن راگەیاند، فڕۆکەخانەی بن گوریۆن و ناوچەکانی یافا و حەیفا بە مووشەک و فڕۆکەی بێ فڕۆکەوان کرانە ئامانج.

یەحیا سەریع وتەبێژی بزووتنەوەی انصارالله-ی یەمەن راگەیاند، فڕۆکەخانەی لۆد کە رژێمی داگیرکەر وەک فڕۆکەخانەی بن گوریۆن ناوی دەدات و ناوچەکانی یافا و حەیفا بە مووشەکی بالیستیکی زولفیقار و فڕۆکەی بێ فڕۆکەوانی یافا کرانە ئامانج.

سەریع جەختی لەوە کردەوە کە داگیرکەری هێرشەکانی بۆ سەر براکانی لە غەززە زیاد کردووە و کۆمەڵکوژی دڕندانە دژی ژنان و پیاوان و منداڵان ئەنجام دەدات و هەموو ئەمانەش لەبەر چاوی جیهاندا ڕوودەدەن و ئاماژەی بەوەدا کە پێویستە هەموو تاکێکی ئوممەت هەنگاوی بەپەلە بگرێتەبەر بۆ جێبەجێکردنی ئەرکە ئایینی و ئەخلاقی و مرۆییەکانی خۆی.

سەریع رایگەیاند کە ئەگەرنا هەر کەسێک لە بەرامبەر ئەم دڕندەییەدا بێدەنگ بێت، درەنگ یان زوو دەبێت تووشی لێکەوتەکانی ئەم تاوانە ببێت و وتی، "غەززە بە خۆڕاگری قارەمانانەی خۆی و گەلی ئازاد بەرگری لە تەواوی ئوممەت دەکات، یەمەن بە هاوکاری خوا بەردەوام دەبێت لە ئۆپڕاسیۆنە پشتیوانییەکانی و هەرگیز درێغی ناکات لە فراوانکردن و زیادکردنی ئەو ئۆپڕاسیۆنانە بەگوێرەی توانا و ئەگەرەکانی. ئەم تێکۆشانە بەردەوام دەبێت تا هێرشەکان لە غەززە کۆتاییان دێت و ئابڵوقەکان هەڵدەگیرێن."(İLKHA)