ڕێپێوانی نێودەوڵەتی بۆ کردنەوەی دەروازەی سنووری ڕەفەح لە دژی جینۆسایدی رژێمی سەهیۆنی لە غەززە دەستی پێکرد لە میسر بەردەوامە. فاروق دینچ پەرلەمانتاری هودا پار، ئەردال ئەلیبویوک یاریدەدەری سەرۆکی گشتی وەقفی کاروانی ئومێد و مەلا عبدالقدوس یالچن یاریدەدەری سەرۆکی گشتی إتحاد العلماء بەشداری لە رێپێوانەکە دەکەن.

"ڕێپێوانی خۆڕاگری بۆ غەززە"ی نێودەوڵەتی کە بۆ کردنەوەی دەروازەی سنووری رەفەح لە دژی کۆمەڵکوژی و جینۆساید لە غەززە و کۆتایی هێنان بە گەمارۆی دژی گەلی فەلەستین دەستیپێکرد، لە ڕێگای خۆی بەردەوامە.

فاروق دینچ پەرلەمانتاری هودا پار، ئەردال ئەلیبویوک یاریدەدەری سەرۆکی گشتی وەقفی کاروانی ئومێد و مەلا عبدالقدوس یالچن یاریدەدەری سەرۆکی گشتی إتحاد العلماء بەشداری لە رێپێوانەکە دەکەن.

پەرلەمانتار فاروق دینچ لە هەژماری تایبەتی خۆی لە سۆشیال میدیا راگەیاند، "ئێمە لە میسرین... بۆ بەرزڕاگرتنی کەرامەتی مرۆڤایەتی و کردنەوەی دەروازەی سنووری رەفەح بە پێ دەڕۆین. بێدەنگ نابین بەرامبەر بە ئازاری ئەو منداڵە بێتاوانانەی کە لە غەززە کۆمەڵکوژ دەکرێن. بێدەنگ نابین تا جینۆسایدەکە کۆتایی پێدێت و غەززە و قودس ئازاد بن."

ئەردال ئەلیبویوک زانیاری لەسەر ڕێڕەوی ڕێپێوانەکە دا و رایگەیاند، "ئێمە قاهیرە بەجێدەهێڵین و بەرەو شاری ئیسماعیل دەڕۆین، ڕێپێوانەکە دەست پێدەکات إن شاء الله، حکومەتی میسر ئاسانکاری بۆ ئەم ڕێپێوانە دەکات، ئێوەش ئەو کەسانە دەبن کە ئەم ڕێپێوانە پڕ بەختەوەرە دەهێننە ڕۆژەڤی جیهان."

هەروەها مەلا عبدالقدوس یالچن لە پۆستەکەیدا لە سۆشیال میدیادا داوای لە ڕای گشتی کرد و رایگەیاند، "بەم زووانە ڕێپێوانێک بەڕێ دەکەین، خوای گەورە بیکاتە ئامرازێک بۆ ڕزگاری غەززە، تکایە بەردەوام بن لە دوعا کردن."

ئەم ڕێپێوانە کە لەژێر ناوی کاروانی خۆڕاگری رێکخراوە، ئامانجی گەیاندنی پەیامی هاودەنگییە لەگەڵ گەلی فەلەستین لە هەمان کاتدا جیهان لە ڕەهەندە نامرۆڤەکانی گەمارۆکە ئاگادار کردنەوە. بەشداربووان جەخت لەوە دەکەنەوە کە ڕێپێوان بۆ غەززە تەنیا هاوپشتییەکی ناوچەیی نییە بەڵکو بەرپرسیارێتییەکی مرۆیی گشتگیرە.

پێشبینی دەکرێت لە چەند ڕۆژی داهاتوودا بەشداربووانی نوێ لە وڵاتانی جیاوازەوە بەشداری کاروانەکە بکەن. ڕێپێوانەکە بە ئیرادە بۆ هەڵگرتنی گەمارۆی سەر غەززە و دڵنیابوون لەوەی کە هاوکارییە مرۆییەکان بەبێ بەربەست بگاتە ناوچەکە بەردەوامە.(İLKHA)