ئەبو عوبەیدە وتەبێژی کەتائیبی قەسام لقی سەربازی حەماس وتی، "ئەی سەرۆکان، حیزبەکانی گەورە و زانایانی ئوممەت! لەکن خودا ئێمە لە ئێوە گلیدار دەبین. ئێوە لە داوای هەر یەتیم، بیوەژن، کۆچبەر، بریندار و برسی بەرپرسیارن. قورسی خوێنی دەیان هەزار بێ تاوان لە ئەستۆی ئێوەدایە."

ئەبو عوبەیدە وتەبێژی کەتائیبی قەسام لقی سەربازی حەماس پەیامێکی گرتەڤیدیۆیی بڵاو کردەوە و چەند راگەیەندراوێکی گرنگی بڵاو کردەوە.

ئەبو عوبەیدە وتی، "ئێستا ٢١ مانگە بەرخۆدانی گەلەکەمان و موجاهیدەکانمان وەک شاخێک بەهێزە. گەلە گەورەکەمان بە سەبووری پێغەمبەر موجادەلەیان کرد. ئەم خۆڕاگرییە ٢١ مانگە شەرمەزاری و رەزالەتی بۆ داگیرکەران هێناوە."

ئەبو عوبەیدە رایگەیاند کە بۆ ئەم مانگە رژێمی تیرۆریستی لەژێر ناوی "عەرابەکانی جەدعون" پاساو بۆ هێرشەکان دەهێنێتەوە و ئەفسانەی تەوراتەکەی گۆڕاو و تەحریف کراو چیتر راست دەرنەکەوتووە و دواتر وتی، "ئێمە بە ئۆپڕاسیۆنەکانمان شەڕ دەکەین و لە هێرشەکانی 'عەرابەکانی جەدعون' دەردەکەوین. بە ئیزنی خودا، ئێمە ئۆپڕاسیۆنی 'بەردەکانی داوود'مان دەستپێکردووە. ئەم ناوە هێمای سەرکەوتنی بەردی داوود لە دژی جالووتی ستەمکارە. خودا سەرکەوتنی بە موجاهیدەکانمان بەخشی و بەردەکانیان لێیاندا. لە هەموو ئۆپەراسیۆنێکدا ئەم ئایەتەیان دووبارە دەکردەوە و دەیانگوت، 'کاتێک فڕێت دا، فڕێت نەدا، خودا فڕێی دا."

ئەبو عوبەیدە لە بەردەوامی باسی لەوە کرد کە لەگەڵ موجاهیدەکانی سەرییەکانی قودس بەرخۆدانێکی بەرخۆدانێکی گەورەیان نیشان داوە و گورزێکی بەهێزیان لە رژێمی داگیرکەر داوە و وتی، "لە چەند مانگی ڕابردوودا سەدان سەربازی داگیرکەرمان کوشتووە و بریندارمان کردووە. هەزاران سەهیۆنیش تووشی نەخۆشی و کێشە دەروونییەکان بوون. هەروەها ژمارەی ئەو سەربازانەی خۆیان دەکوژن لە زیادبووندایە. چونکە بێگومان ئەو تاوانە گەورانەی کە کردوویانە و بەرخۆدان و خەباتی بەهێزی موجاهیدەکان هۆکاری ئەمە بووە."

ئەبو عوبەیدە ئاماژەی بەوە کرد کە هێزیان هەیە کە بۆ ماوەیەکی درێژ بەردەوام بن لە بەرخۆدان و خۆڕاگری و وتی، "هێرشەکانی دوژمن لە چ فۆرمێکدا بن، ئێمە ئامادەین بۆ شەڕێکی درێژخایەن و قورس و کاریگەر. موجاهیدەکانمان بەڵێنیان داوە تا سەرکەوتن و شەهیدبوون لەسەر ئەم ڕێبازە بەردەوام بن لە شەڕ و تێکۆشان."

هەروەها وتی، "ئەم ئەرکە جیهادەی کە پەروەردگارمان پێی بەخشیوین، بەرپرسیارێتی ئەو ٢ ملیارە ئوممەتە موسڵمانە لانابات. دوژمن پشتیوانی چەک و تەقەمەنی لە گەورەترین زلهێز و هێزی ستەمکار وەردەگرێت. بەڵام لەمەدا دەسەڵات و هێز و حکومەتەکانی ئوممەت تەنها چاودێری ئەمە دەکەن.

ئێمە بە ئازار و تووڕەیییەکی زۆرەوە بە مێژوو دەڵێین: ئەی سەرۆکان، حیزبەکانی گەورە و زانایانی ئوممەت! لەکن خودا ئێمە لە ئێوە گلیدار دەبین. ئێوە لە داوای هەر یەتیم، بیوەژن، کۆچبەر، بریندار و برسی بەرپرسیارن. قورسی خوێنی دەیان هەزار بێ تاوان لە ئەستۆی ئێوەدایە."

ئەبو عوبەیدە لە بەردەوامی سوپاسگوزاری ئەو موجاهیدانە کرد کە پشتیوانی لە بەرخۆدانی غەززە دەکەن و وتی، "درود بۆ خەڵکی بە ئیمان و حیکمەتی یەمەن و هێزە چەکدارەکانیان و هێزی انصارالله. ئەوان بە خۆڕاگری و خەبات و پشتیوانی دڵسۆزانەیان بۆ غەززە و موجاهیدانی فەلەستین دوژمنیان سەرسام کرد. بەرەیەکی کاریگەریان لەدژی دوژمن کردەوە و بەڵگەی گەورەیان لەدژی بێدەنگی جیهانی عەرەبی و ئیسلامی، و حزب و هێز و زلهێزەکان نیشان دا. چ شەرمەزارییە کە ئێستا هەندێک بوونەتە ئامرازی ستەم و بە بێدەنگی خۆیان بوونەتە سیمبولی ستەم. ئەم کەسانەی بێدەنگن، لە چاوی گەنجان ئیعتباریان لەدەستداوە و دروشمە گەورەکانیان بەتاڵ بووەتەوە."

ئەبو عوبەیدە وتەبێژی قەسام رایگەیاند کە ئەوان بە تەواوی پشتیوانی لە دانوستانەکانی ئاگربەست دەکەن و لە چەند مانگی ڕابردوودا پێشنیاری ئاگربەستیان کردووە کە ئازادکردنی هەموو زیندانیانی سەهیۆنی لەخۆ بگرێت، بەڵام سەرەڕای ئەمەش رژێمی تیرۆریستی بە بەردەوامی ئەم پێشنیازەی بە هێرشەکانی خۆی، ناتانیاهۆ و عەقڵیەتی نازییەکەی، و وەزیرەکانی تێکداوە و رەتکردووەتەوە.(İLKHA)