13 oC 
Güneşli
سوپای رژێمی داگیرکەری سەهیۆنی هاوکات لەگەڵ پێشڕەویی زەمینی، بەردەوامە لە بۆردوومانی چڕی ئاسمانی و زەمینی و فڕۆکە، درۆن، تانک، زرێپۆش و کەرەستەی ئەندازیاری بۆ وێرانکردنی هەر شتێک لەسەر ڕێگەی بێت، بەکاردەهێنێت.
بە پێی ڕاپۆرتێکی ناوەندی ڕاگەیاندنی فەلەستین، لە دووەم ڕۆژی هێرشی زەمینیی رژێمی داگیرکەر بۆ سەر غەززە، دوو لەشکری سەربازی لە دوو میحوەری جیاوازەوە چوونە ناو شارەکە، لە کاتێکدا هێشتا سەدان هەزار فەلەستینی لەناو شارەکەدا ماون. چاوەڕوان دەکرێت لە ڕۆژانی داهاتوودا، لەشکری ٣٦یش بەشداریی ئۆپڕاسیۆنەکە بکات. سوپای رژێمی داگیرکەری سەهیۆنی هاوکات لەگەڵ پێشڕەویی زەمینی، بەردەوامە لە بۆردوومانی چڕی ئاسمانی و زەمینی و فڕۆکە، درۆن، تانک، زرێپۆش و کەرەستەی ئەندازیاری بۆ وێرانکردنی هەر شتێک لەسەر ڕێگەی بێت، بەکاردەهێنێت.
بەپێی ڕاپۆرتی کەناڵی عیبریی "کان"، بەپێی خەمڵاندنەکانی سوپای داگیرکەر، ئۆپڕاسیۆنی زەمینی لە غەززە لەنێوان دوو بۆ سێ مانگ بەردەوام دەبێت، بەڵام ڕووبەڕووبوونەوەی تەواوەتی لەگەڵ هێزەکانی بەرخۆدان ڕەنگە کاتی زیاتری بوێت. خەمڵاندنە ئەمنییەکانی رژێمی داگیرکەر ئاماژە بەوە دەکەن کە تا ئێستا نزیکەی چوارسەد هەزار کەس لە دانیشتووانی غەززە بەرەو باشووری ناوچەکە گواستراونەتەوە. دەنگی تەقینەوەی بەهێز تەنانەت لە تەلئەبیب و ناوچەکانی ناوەڕاستی خاکەکانی داگیرکراویش دەبیسترێت و لە نەقەبی نزیک غەززەش هەستی پێدەکرێت.
هەندێک سەرچاوەی رژێمی داگیرکەر ڕایانگەیاندووە کە کەتائیبی قەسام، لقی سەربازیی حەماس، لە ڕۆژانی یەکەمی هێرشی زەمینیدا، ئامانجگرتن و بەدیلگرتنی سەربازێکی سەهیۆنی و دانانەوەی بۆسەیان بۆ هێزەکانی دوژمن لە ئەولەوییەتی کارەکانیاندا داناوە.
سوپای داگئرکەر هەروەها شێوازێکی نوێی بە ناوی "ئەلمونەببیە" (ئاگادارکەرەوە) بۆ ترساندنی خەڵکی مەدەنی و ناچارکردنیان بە جێهێشتنی شارەکە بەکارهێناوە. ئەم شێوازە بریتییە لە فڕێدانی "تەقەمەنی بچووک" لە نزیک کۆمەڵگە نیشتەجێبوونەکان و دروستکردنی تەقینەوەی گەورە بە "زیانی ماددیی سنووردار"، هەنگاوێک کە بە گوتەی سەرچاوە عیبرییەکان، خەڵک ناچار بە هەڵاتن دەکات.
لەم نێوەندەدا، ئەیال زامیر بەناو سەرۆک ئەرکانی سوپای داگیرکەر ڕایگەیاند کە سوپا دوای گفتوگۆی بەرفراوان لەگەڵ بەرپرسانی سیاسی، ئۆپڕاسیۆنەکانی لە غەززە بە شێوەیەکی بەرچاو قووڵتر دەکاتەوە. زامیر وتی کە "سوپا بە تێکەڵکردنی هێزی زەمینی، ئاگری ورد و زانیاریی هەواڵگریی کوالێتی بەرز، هەوڵی لێدانی گورزی کۆتایی لە حەماس و ئازادکردنی دیلەکان دەدات." هەروەها وتی کە "هەزاران هێزی یەدەگ بۆ ئەم ئۆپڕاسیۆنە بانگهێشت کراون و شانبەشانی هێزە سەربازییەکان کار دەکەن."
زامیر ئاماژەی بەوەشدا کە "ئۆپڕاسیۆنی زەمینی ڕەنگە دیلەکان و هێزەکانی سوپا بخاتە مەترسییەوە" و جەختی لەوە کردەوە کە "لێکۆڵینەوە لە هەموو مەترسی و دەرفەتە ئەمنییەکان پێش هەر ئۆپڕاسیۆنێک، ئەرکی ئەوە وەک فەرماندەی سوپا."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٥ هەزار و ٦٢ کەس و ژمارەی بریندارەکانیش گەشتە ٥٤ هەزار و ٦٩٧ کەس.
گوندی حالەت ئەلدەبع لە ناوچەی مەساریف یەتا لە باشووری شاری ئەلخەلیل لە کەناری ڕۆژئاوا، جارێکی دیکە بە تەواوی لەلایەن ڕژێمی سەهیۆنییەوە وێران کرا.
هێزی زەمینی سوپای ئێران پەردەی لەسەر ڕۆبۆتێکی سەربازی پێشکەوتوو بە ناوی "ئاریا" لادا.
