لە ئەنجامی هێرشی رژێمی داگیرکەری سەهیۆنی بۆ سەر دەوروبەری نەخۆشخانەی شیفا لە غەززە ڕۆژنامەنووس محەمەد سەوالیحی شەهید بوو و ژمارەی ڕۆژنامەنووسە شەهیدەکان گەشتە ٢٥٠ کەس.

رژێمی داگیرکەری سەهیۆنی جارێکی دیکە ڕۆژنامەنووسانی کردە ئامانج. شەوی چوارشەممە لە ئەنجامی هێرشی رژێمی داگیرکەری سەهیۆنی بۆ سەر دەوروبەری نەخۆشخانەی شیفا لە غەززە ڕۆژنامەنووس محەمەد سەوالیحی شەهید بوو.

بە پێی ڕاگەیەندراوی سەرچاوەکانی خۆجێ، هێرشەکە بۆ سەر ناوچەی کۆچی مەدەنییەکان بەرەو باشوور ئەنجام درا. لە ئەنجامی هێرشەکەدا لانیکەم ١٠ کەس شەهید بوون کە یەکێکیان ڕۆژنامەنووس سەواحیلی بوو و ژمارەیەکی زۆر کەسیش بریندار بوون.

دوای شەهادەتی سەواحیلی ژمارەی ڕۆژنامەنووسە شەهیدەکان لە ٧ی ئۆکتۆبەری ٢٠٢٣یەوە گەشتە ٢٥٠ کەس.

رژێمی داگیرکەر بۆ بێ دەنگکردنی غەززە و ڕێگریکردن لە گەشتنی دەنگی فەلەستینییەکان بە دونیا بە شێوەی ئەنقەسد ڕۆژنامەنووسان دەکاتە ئامانج.

ڕێکخراوەکانی میدیایی غەززە بانگێشتی ڕێکخراوە نێودەوڵەتییەکانی میدیایی و مافی مرۆڤ دەکەن کە لە دژی رژێمی داگیرکەر دەستبەکار بن کە بە شێوەی ئەنقەسد ئەندامانی میدیایی دەکەنە ئامانج.(İLKHA)