13 oC 
Güneşli
فڕۆکە جەنگییەکان و تۆپخانەکانی رژێمی داگیرکەر ناوچە جیاجیاکانی شاری غەززە و خان یونسیان بە شێوەیەکی بەرفراوان کردووەتە ئامانج.
ناوەندی ڕاگەیاندنی فەلەستین لە غەززە هەواڵی چڕبوونەوەی هێرشەکانی سوپای سەهیۆنی لە کاتژمێرەکانی ڕابردوودا ڕاگەیاند. فڕۆکە جەنگییەکانی رژێمی داگیرکەر دەوروبەری قوتابخانەکانی "ئۆنروا" لە شەقامی ئەلنەسر، گەڕەکی تەل ئەلهەوا لە باشووری ڕۆژئاوای غەززە، شەقامی عومەر موختار لە بەشی کۆنی غەززە و چەندین شوێنی گەڕەکی ئەلسەبرە و مەغریبیان بۆردوومان کرد.
لە هێرشێکدا بۆ سەر باڵەخانەیەکی نیشتەجێبوون لە شەقامی عومەر موختار، لانیکەم ٤ فەلەستینی شەهید بوون و ژمارەیەکی دیکەش بریندار بوون. هەروەها بۆردوومانکردنی باڵەخانەیەکی نیشتەجێبوون لە ناوەندی غەززە و ماڵێک لە کەمپی ئەلشاتی بووە هۆی شەهید و برینداربوونی چەند کەسێکی تر.
تۆپخانەکانی سوپای سەهیۆنی ناوچەکانی ڕۆژهەڵات و باشووری غەززە، کەمپی ئەلشاتی، ڕۆژهەڵاتی کەمپی مەغازی و دەوروبەری خان یونس-یان خستە ژێر ئاگرەوە.
هەروەها چەندین باڵەخانەی نیشتەجێبوون لە شەقامی ئەلنەفەق لەلایەن هێزەکانی ئیسرائیلەوە بە بەکارهێنانی ڕۆبۆتی بۆمبڕێژکراو تەقێنرانەوە و خاپوور کران.
فڕۆکە بێفڕۆکەوانەکانی سوپای داگیرکەر ماڵانی نیشتەجێبوونیان لە شەقامی مەغریب کردە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
وەزارەتی تەندروستی غەززە بە تیشک خستنە سەر قەیرانی تەندروستی سەختی ناوچەکە، ڕایگەیاند کە ٥٢ لەسەدی دەرمانی پێویست و ٧١ لەسەدی پێداویستییە پزیشکییەکان و ٧٠ لەسەدی کەرەستەی تاقیگەیی لە کۆگادا نەماوە.
هەڵوەشانەوەی چەتەکانی پشتیوانی رژێمی سەهیۆنی خێراتر بووە. دوابەدوای کوژرانی خاین یاسر ئەبو شەباب، لە ماوەی ٤٨ کاتژمێری ڕابردوودا دەیان میلیشیای چەکدار خۆیان ڕادەستی هێزە ئەمنییەکانی سەر بە حەماس کردووە.
رژێمی داگیرکەر بەردەوامە لە پێشێلکردنی ئاگربەست. لە هێرشێکدا بۆ سەر ناوچەی ئەلمەواسی سەر بە رەفەح، ئەحمەد تاریق ئەلبەیوکی تەمەن ٣ ساڵ شەهید بوو.
وەقفی خێرخوازی یەتیمەکان بەردەوامە لە دابەشکردنی خواردن لە کەناری غەززەی کە ڕووبەڕووی هێرشەکانی رژێمی داگیرکەر بووە.
