13 oC 
Güneşli
لیژنەکانی بەرگریی فەلەستین بە دەرکردنی بەیاننامەیەک ڕایانگەیاند کە ئەو ڕێککەوتنەی بۆ ڕاگرتنی دەستدرێژی و شەڕی کۆمەڵکوژیی رژێمی سەهیۆنی لە کەرتی غەززە بەدەست هاتووە بەرهەمی خۆڕاگریی ئەفسانەیی و قوربانیدانە گەورەکانی خەڵکی غەززەیە دوای دوو ساڵ شەڕ.
بەگوێرەی ڕاپۆرتی ناوەندی ڕاگەیاندنی فەلەستین، لە بەیاننامەکەدا هاتووە کە کاردانەوەی یەکگرتوو و سەرسەختانەی گرووپەکانی بەرگری و خۆبەدەستەوەنەدان لە بەرانبەر هاوکێشەی کۆمەڵکوژی یان قبووڵکردنی مەرجەکانی دوژمن، هەموو پلانەکانی رژێمی سەهیۆنیی شکست پێ هێناوە.
بە وتەی لیژنەکانی بەرگری، سەرەڕای کارەسات و وێرانییە مرۆییەکان، دوژمن و پشتیوانەکانی لە دەرکردن و ئاوارەکردنی خەڵکی فەلەستیندا شکستیان خواردووە و گەلی فەلەستین همچنان بە خۆڕاگری و سەربەرزییەوە لەسەر خاکی خۆی وەستاوە.
لیژنەکانی بەرگری داوای بەردەوامیی فشارە سیاسی، عەرەبی، ئیسلامی و نێودەوڵەتییەکانیان کرد لەسەر ئەمریکا و رژێمی سەهیۆنی بۆ مسۆگەرکردنی جێبەجێکردنی تەواوەتیی ڕێککەوتنەکە و کشانەوەی تەواوی سوپای داگیرکەر لە غەززە.
ئەم لیژنانە لە کۆتاییدا، وێڕای بەرزڕاگرتنی یادی شەهیدە قارەمانەکان، چ هاووڵاتییانی مەدەنی و چ فەرماندە و تێکۆشەرانی بەرگری لە غەززە، کەناری ڕۆژئاوا و هەموو بەرەکانی پشتیوانی لە یەمەن، لوبنان، عێراق و ئێران کە پاکترین خوێن و بەنرخترین گیانیان لەپێناو گەلی فەلەستین و دۆزەکەیدا بەخشی، سڵاو و دروودیان بۆ دیلەکان و بریندارەکان نارد و جەختیان کردەوە کە قوربانیدانەکانیان هەمیشە لە ویژدان و دڵی گەلی فەلەستین و ئازادیخوازانی جیهاندا دەمێنێتەوە و سەرچاوەی شانازی و شکۆ و ئیلهامی بێ کۆتاییە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
وەزارەتی دەرەوەی ئەندەنوسیا ئامادەیی خۆی بۆ بەشداری چالاکانە لە ئاوەدانکردنەوەی غەززە لەدوای ئاگربەستەکەی ڕاگەیاند.
ژمارەی دانیشتوانی تایوان بۆ مانگی ٢١ گەشەی نەرێنی تۆمارکرد.
لەگەڵ جێبەجێکردنی ئاگربەست لە کەرتی غەززە، هەزاران کەس لە ئاوارە فەلەستینییەکان کە بۆ ماوەی چەندین مانگ بوو بۆ ناوچەکانی باشوور گواسترابوونەوە، دەستیان بە گەڕانەوە کرد بۆ ماڵەکانیان لە شاری غەززە و ناوچەکانی باکوور.
بەڕێوەبەرایەتیی گشتیی پۆلیسی فەلەستین لە کەرتی غەززە بە دەرکردنی بەیاننامەیەک ڕایگەیاند کە هێزەکانی پۆلیس لە ئەمڕۆوە لە هەموو ئەو ناوچانەی سوپای داگیرکەری سەهیۆنی لێی کشانەوەتەوە، جێگیر دەبن بۆ ئەوەی ئەرکەکانی خۆیان لە خزمەتکردنی هاووڵاتییان، پاراستنیان و پارێزگاریکردن لە ئاسایش و موڵکی گشتی و تایبەت ئەنجام بدەن.
