بوومەلەرزەیەک بە گوڕی ٧.٤ پلە لە کەناراوەکانی دوورگەی مینداناو رووی دا. دەسەڵاتداران دوای بوومەلەرزەکە هۆشداری تسونامییان بڵاوکردەوە. لە هەمان کاتدا بوومەلەرزەیەک بە گوڕی ٦.٣ پلە لە کەناراوەکانی پاپوای نیوگینیا رووی دا.

بوومەلەرزەیەک بە گوڕی ٧.٤ پلە لە کەناراوەکانی دوورگەی مینداناو کە دەکەوێتە باشووری فلیپین رووی دا.

ڕووپێوی جیۆلۆجی ویلایەتە یەکگرتووەکانی ئەمریکا (USGS) ڕایگەیاند، ناوەندی بومەلەرزەکە ٢٠ کیلۆمەتر لە ڕۆژهەڵاتی سانتیاگۆوە دوورە و بوومەلەرزەکەش لە قوڵایی نزیکەی ٦٠ کیلۆمەتر رووی داوە.

هەرچەندە ڕاپۆرتە سەرەتاییەکان ئاماژەیان بە هیچ زیانێکی گیانی و زیانێک نەکردووە، بەڵام پەیمانگای گڕکان و بومەلەرزەزانیی فلیپین دوای بوومەلەرزەکە هۆشداریی تسونامی بڵاو کردەوە. دەسەڵاتداران هۆشدارییان بە دانیشتوانی کەناراوەکان دا کە بەدوای شوێنێکی بەرزتردا بگەڕێن.

لە هەمان کاتدا بوومەلەرزەیەک بە گوڕی ٦.٣ پلە پاپوای نیوگینیای هەژاند. بەپێی داتاکانی USGS، بوومەلەرزەکە لە باشووری ڕۆژهەڵاتی دوورگەی مانوس لە قوڵایی نزیکەی ١٠ کیلۆمەتر رووی داوە.

فلیپین و پاپوای نیوگینیا، کە دەکەوێتە سەر ئەڵقەی ئاگری زەریای هێمن، کە یەکێکە لە ناوچە بومەلەرزە چالاکەکانی جیهان، زۆرجار بەهۆی بوومەلەرزەی بەهێزەوە دەلەرزن.(İLKHA)