13 oC 
Güneşli
لەگەڵ جێبەجێکردنی ئاگربەست لە کەرتی غەززە، هەزاران کەس لە ئاوارە فەلەستینییەکان کە بۆ ماوەی چەندین مانگ بوو بۆ ناوچەکانی باشوور گواسترابوونەوە، دەستیان بە گەڕانەوە کرد بۆ ماڵەکانیان لە شاری غەززە و ناوچەکانی باکوور.
بەگوێرەی ڕاپۆرتی ناوەندی ڕاگەیاندنی فەلەستین، چەند خولەکێک دوای دەستپێکردنی جێبەجێکردنی ڕێککەوتنی ئاگربەست، ژمارەیەک لە ئاوارەکان بەرەو شاری غەززە گەڕانەوە. هاوکات، شەقامە سەرەکییەکان، لەوانە "ئەلڕەشید" و "سەلاحەدین" کە بە میحوەرە سەرەکییەکانی پەیوەندیی نێوان باکوور و باشووری کەرتی غەززە دادەنرێن، کرانەوە بۆ ئەوەی ڕێگەی گەڕانەوەی خەڵک ئاسان بکرێت.
سەرچاوە مەیدانییەکان ڕایانگەیاندووە کە لێشاوی ئاوارەکان لە کەمپەکان و پەناگە کاتییەکان لە ناوچەکانی باشوورەوە بەرەو باکوور لە جووڵەدان.
سوپای رژێمی سەهیۆنی بە فەرمی کشانەوەی تەواوی هێزەکانی لە ناوچە دیاریکراوەکانی کەرتی غەززە ڕاگەیاند، بەپێی قۆناغی یەکەمی ڕێککەوتنی ئاگربەست، و بە فەرمی دەستپێکردنی جێبەجێکردنی ئاگربەستەکەی ڕاگەیاند.
ڕادیۆی سوپای رژێمی سەهیۆنیش ڕایگەیاند کە بەپێی ئەمە، ئاڵوگۆڕی دیلەکان نیوەڕۆی ڕۆژی دووشەممە ئەنجام دەدرێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٨ هەزار و ٨٥٨ کەس و ژمارەی بریندارەکانیش گەشتە ١٧٠ هەزار و ٦٦٤ کەس.
"بەرەی پشتیوانی ئەلیکترۆنی"ی ئێران ناسنامە و تۆمارە ڤیدیۆییەکانی کارمەندانی کۆمپانیای سەربازی "مایا" و هەروەها داتای هەموو ئەو کەسانەی کە بازرگانییان لەگەڵ وەزارەتی سوپای داگیرکەردا هەبووە، بڵاوکردووەتەوە.
لە ئەنجامی هێرشی هێزەکانی داگیرکەر بۆ سەر کەناری غەززە و لە ئەنجامی هێرشەکانی کۆتاییدا ٢ کەس شەهید بوون و کەسێکێش بریندار بوو.
لە پەرستگایەکی هیندۆسی لە ویلایەتی ئەندرە پرادێشی هیندستان بەهۆی ١٠ کەس گیانیان لەدەستدا و ژمارەیەکی زۆریش برینداربوون.
