حەماس تەرمی دوو بەندکراوی سەهیۆنی ڕادەستی خاچی سوور کرد
13 oC
13 oC
Güneşli
13 oC
Güneşli
کەتائیبی قەسام تەرمی دوو ئەسیری سەهیۆنی لە باشووری غەززە ڕادەستی خاچی سوور کرد. ئێستا حەماس لە چوارچێوەی ڕێککەوتنی ئاگربەست ٢٠ ئەسیری بە زیندووی و ١٥ کوژراوی ڕادەست کردووە.
کەتائیبی عیزەدین ئەلقەسام، لقی سەربازیی بزووتنەوەی حەماس، ئێوارەی ڕۆژی سێشەممە تەرمی دوو ئەسیری سەهیۆنی ڕادەستی کۆمیتەی نێودەوڵەتیی خاچی سوور کرد.
بەناو سەرۆک وەزیرانی رژێمی سەهیۆنی پشتڕاستی کردەوە کە تەلئەبیب لە ڕێگەی خاچی سوورەوە تەرمی دوو ئەسیری وەرگرتووە.
هەروەها سوپای سەهیۆنی و دەزگای هەواڵگری ناوخۆیی شەبەک بەیاننامەیەکی هاوبەشیان بڵاوکردەوە و ڕایانگەیاند کە تەرمەکان لە خاڵێکی دیاریکراو لە باشووری غەززە لە خاچی سوورەوە وەرگیراون.
کەتائیبی قەسام پێشتر لە بەیاننامەیەکدا ڕایگەیاندبوو کە تەرمی ئەو دوو ئەسیرە ڕادەست دەکرێت و پرۆسەکە کاتژمێر ٩:٠٠ی شەو بەکاتی قودس بەڕێوەدەچێت.
بەم شێوەیە، حەماس لە کاتی جێبەجێکردنی ڕێککەوتنی ئاگربەستەوە ٢٠ زیندانی سەهیۆنی بە زیندوویی و ١٥ کوژراوی ڕادەست کردووە.
بزووتنەوەکە پێشتر ڕایگەیاندبوو کە وەرگرتنەوەی تەرمی هەندێک لە دیلەکان دەتوانێت کات بخایەنێت، چونکە هەندێکیان لەناو تونێلەکاندا نێژراون کە لەلایەن داگیرکەرانەوە وێرانکراون و هەندێکی دیکەشیان لەژێر داروپەردووی بینا ڕووخاوەکاندا نێژراون. هەروەها ئاماژەی بەوەشداوە کە ڕێگریکردن لە کەلوپەلی پێویست بۆ ناوچەکە لەلایەن داگیرکەرانەوە، هەوڵەکانی گەڕان خاو دەکاتەوە.
وەک دەزانرێت رژێمی سەهیۆنی بە پشتیوانی ئەمریکا و ئەورووپا لە ٧ی ئۆکتۆبەری ٢٠٢٣ ەوە کۆمەڵکوژییەکی بەرفراوان لە غەززە ئەنجام دەدات و ئەم هێرشانە کە بریتین لە کۆمەڵکوژی، سیاسەتی برسیکردن، ئاوارەبوونی زۆرەملێ، وێرانکاریی سیستماتیک و دەستبەسەرکردنی بەکۆمەڵ، سەرەڕای هۆشدارییەکانی کۆمەڵگەی نێودەوڵەتی و دادگای نێودەوڵەتیی داد بەردەوامن.
بەپێی داتاکانی وەزارەتی تەندروستی غەززە، زیاتر لە ٢٣٨ هەزار فەلەستینی لە هێرشە جینۆسایدەکاندا شەهید یان بریندار بوون. زۆرینەی شەهیدان منداڵ و ژنن. جگە لەوەش زیاتر لە ١٠ هەزار کەس بێسەروشوێنن و سەدان هەزار کەسیش لە بارودۆخی برسێتی و هەژاریدا ئاوارە ماونەتەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە هیندستان رووداوێکی هاتوچۆی توند لە نێوان پاسێک و ماتۆرسکیلێک رووی دا. لە ئەنجامی رووداوەکە ٢٥ کەس سووتان و گیانیان لەدەستدا.
سەهیۆنییەکانی داگیرکەر هەڵیکوتایە سەر زۆرێک لە شارەکان و کەمپی پەنابەران لە کەناری ڕۆژئاوا.
شارەوانیی غەززە لە بەیاننامەیەکدا هۆشداری دا کە شارەکە ڕووبەڕووی قەیرانێکی مرۆیی و خزمەتگوزاریی پەرەسەندوو بووەتەوە و داوای لە ڕێکخراوە نێودەوڵەتییەکان و دەزگا مرۆییەکان کرد بەپەلە دەستوەردان بکەن بۆ دابینکردنی پێداویستییە بەپەلەکان و کەمکردنەوەی دەرەنجامە کارەساتبارەکانی ئەم دۆخە.
وتەبێژی بزووتنەوەی حەماس لە غەززە، لە چاوپێکەوتنێکدا لەگەڵ کەناڵی ئەلجەزیرە، ڕایگەیاند کە بزووتنەوەکە جەخت لەسەر پابەندبوونی خۆی بە وردەکارییەکانی ڕێککەوتنی ئاگربەست دەکاتەوە، کە بە هەوڵی نێوەندگیرەکان بەدەست هاتووە.
