13 oC 
Güneşli
بزووتنەوەی خۆڕاگری ئیسلامی حەماس ڕایگەیاندووە کە ئەو شاندەی کە لەگەڵ ئیبراهیم کالن سەرۆکی دەزگای هەواڵگری تورکیا (میت) کۆبووەتەوە، ڕێگاکانی جێبەجێکردنی ڕێککەوتنی ئاگربەست و گەیاندنی یارمەتییە مرۆییەکانیان تاوتوێ کردووە.
لە بەیاننامەیەکدا کە لەلایەن حەماسەوە بڵاوکراوەتەوە، ئاماژە بەوەکراوە، لیژنەیەک بە سەرۆکایەتی محەمەد دەرویش سەرۆکی ئەنجوومەنی سەرۆکایەتی حەماس لە دەوحەی پایتەختی قەتەر لەگەڵ هاکان فیدان وەزیری دەرەوەی تورکیا و ئیبراهیم کالن بەڕێوەبەری میت کۆبوونەوە.
لە ڕاگەیەندراوەکەدا ئاماژە بەوە کراوە، ئەندامانی مەکتەبی سیاسی خالد مەشعەل، زاهیر جەبارین و نزار عبدالله بەشدارییان کردووە.
حەماس ڕایگەیاند کە سەرۆکی ئەنجومەنی سەرۆکایەتی بزووتنەوەکە لە میانی کۆبوونەوەکەدا پێداچوونەوەی بە جێبەجێکردنی ڕێککەوتنی ئاگربەست لە غەززە و گەیاندنی یارمەتییە مرۆییەکان بۆ کەرتی غەززە کردووە.
دەرویش ئاماژەی بەوەشکرد، داخستنی دەروازەی رەفەح ئاستەنگ بۆ جێبەجێکردنی ڕێککەوتنەکە دروست دەکات، چونکە نەخۆش و بریندارەکان ناتوانن بەناو دەروازەکەدا تێپەڕن.
جەخت لەوە کرایەوە کە بزووتنەوەکە پابەندە بە بەڵێنەکەیەوە تا ئاگربەستێکی تەواوەتی ئەنجام دەدرێت. وە بڕیاریان داوە بەرەنگاری بکەنەوە تا دەوڵەتێکی سەربەخۆ کە قودس وەک پایتەختەکەی دادەمەزرێت. دەرویش هەروەها ڕایگەیاند کە دەبێت بەخێرای کارەکانی ئاوەدانکردنەوە دەست پێبکرێت و دەبێت ئاسانکاری پێویست بۆ دابین بکرێت.
سەرۆکی ئەنجومەنەکە سوپاس و پێزانینی خۆی بۆ تورکیاییەکانی و بەتایبەتیش رەجەب تەیب ئەردۆغان سەرۆک کۆماری تورکیا دەربڕی بۆ نێوەندگیری و هەوڵەکانیان.
هاکان فیدان، وەزیری دەرەوەی تورکیا هەروەها وێڕای دەربڕینی ئەوەی کە تورکیا لە پشتیوانییەکانی بۆ فەلەستین بەبڕیار و دژ بە هێرشەکانی داگیرکەری دەوەستێتەوە.
هەروەها ئیبراهیم کالن سەرۆکی میت زانیاری لەسەر هەڵوێستی وڵاتەکەی سەبارەت بە پرسی فەلەستین پێشکەش کرد و سەرنجی بۆ هەوڵەکانی تورکیا بۆ ئاگربەست ڕاکێشا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٨ هەزار و ٢٣٤ کەس و ژمارەی بریندارەکانیش گەشتە ١٧٠ هەزار و ٣٧٣ کەس.
دکتۆر مونیر ئەلبەرش، بەڕێوەبەری گشتیی وەزارەتی تەندروستیی غەززە، ڕاگەیاند کە "تەنها ١٥ لەسەدی پێداویستیی غەززە دابین دەکرێت."
بەرنامەی خۆراکی جیهانی ڕایگەیاند، دوای زیاتر لە هەفتەیەک لە ئاگربەستەکە، بڕی ئەو یارمەتییە مرۆییانەی کە دەچنە ناو کەرتی غەززە، زۆر کەمترە لە ئامانجەکەی. لە کاتێکدا ئامانجەکە دوو هەزار تۆن خۆراک بوو لە ڕۆژێکدا، تەنها ٧٥٠ تۆن خۆراک گەیاندراوە.
بەناو پڕۆژە یاسای لکاندنی فەرمی کەرتی ڕۆژئاوای داگیرکراو بە سەر خاکەکانی داگیرکراو ئەمڕۆ لە کنێستدا دەنگی لەسەر دەدرێت. ئامانجی بەناو پڕۆژە یاساکە سەپاندنی "سەروەری ئیسرائیلـ"ـە بەسەر ناوچەکەدا.
