نەتەوە یەکگرتووەکان: زیاتر لە ١٦ هەزار بەڵگە لەبارەی جینۆساید هەیە
13 oC
13 oC
Güneşli
13 oC
Güneşli
چریس سیدۆتی ئەندامی کۆمسیۆنی لێپرسینەوەی نێودەوڵەتی سەربەخۆی فەلەستینی داگیرکراو سەر بە نەتەوە یەکگرتووەکان ڕاگەیاند کە کۆمیسیۆنەکە ئەوەندە پێویست لەبارەی جینۆساید لە غەززە کۆکردووە.
سیدۆتی ڕوونیکردەوە کە لێکۆڵینەوەکانی کۆمیسیۆنی سەربەخۆی نەتەوە یەکگرتووەکان دوو ساڵی خایاندووە و لەسەر بنەمای بەڵگەی ڕاستەوخۆی کۆمسیۆن بووە، کە زیاتر لە ١٦ هەزار مادەی بەڵگەدار لەنێویاندا وێنە و ڤیدیۆی تێدایە، کە بەپێی پرۆتۆکۆڵەکانی نەتەوە یەکگرتووەکان پشتڕاستکراونەتەوە و پەیوەندییان بە گێڕانەوەی شایەتحاڵەکانەوە هەیە .
ئاماژەی بەوەشکرد، کۆمیسیۆنەکە کە لەلایەن ئەنجومەنی مافی مرۆڤی نەتەوە یەکگرتووەکانەوە لە مانگی ئایاری ٢٠٢١ دامەزراوە، بەردەوام بووە لە کارەکانی بەو ڕێبازەی کە لە سەرەتای دامەزراندنیەوە گرتویەتیەبەر، بە گوێگرتن لە شایەتحاڵان و قوربانییەکان و بەڵگەنامەکردنی پێشێلکارییەکان بە بەکارهێنانی وێنەی مانگی دەستکرد و ئامرازەکانی شیکاری بەڵگەی دیجیتاڵی .
سیدۆتی ئاماژەی بەوەدا کە ئەرکی کۆمیسیۆنەکە تەنیا لە دەستنیشانکردنی تاوانەکاندا سنووردار نییە بەڵکو لە دیاریکردنی بەرپرسیارێتیەکانیشدا جەختی لەوە کردەوە کە کۆمیسیۆنەکە توانیویەتی ئەو رژێمە داگیرکەرە دەستنیشان بکات کە پێشێلکاریی گەورەی ئەنجام داوە و لە هەندێک حاڵەتدا ئەو سەرکردە و بەرپرسانەی رژێمی داگیرکەر دەستنیشان بکات کە فەرمانی ڕاستەوخۆیان داوە بۆ ئەنجامدانی ئەو تاوانانە .
لەم چوارچێوەیەدا سیدۆتی ڕایگەیاند کە دادگای تاوانە نێودەوڵەتییەکان لە ٢١ی تشرینی دووەمی ٢٠٢٤ فەرمانی دەستگیرکردنی بۆ بەناو سەرۆک وەزیرانی رژێمی داگیرکەر، نەتانیاهۆ و بەناو وەزیری پێشووی بەرگری یۆئاڤ گالانت دەرکردووە، بەهۆی ئەوەی تاوانی جەنگ و تاوانی دژی مرۆڤایەتی دژی فەلەستینییەکان لە غەززە ئەنجام داوە .
ئاماژەی بەوەشکرد، ڕەخنەگرتن لە کارەکانی کۆمیسیۆنەکە تەنها لە رژێمی داگیرکاری و ئەمریکادا سنوردار بووە، لەکاتێکدا ڕاپۆرتەکانی کۆمیسیۆنەکە لە ئاستی نێودەوڵەتیدا بە شێوەیەکی بەرفراوان قبوڵکراون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
جەیمس ئینگرام، وتەبێژی یونیسێف ڕایگەیاند، دوای ئاگربەست ژیان لە غەززە ئاسایی نەبووەتەوە، ئاماژەی بەوەشکرد، تا ئێستا سەدان هەزار منداڵ دەستیان بە ئاوی پاک و خۆراک و خوێندن نەگەیشتووە و دەبێت بەپەلە هاوکارییەکان زیادبکرێن.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٨ هەزار و ٦٤٣ کەس و ژمارەی بریندارەکانیش گەشتە ١٧٠ هەزار و ٦٥٥ کەس.
محەممەد ئەلحاج موسا، وتەبێژی جیهادی ئیسلامی ڕایگەیاند، لەو کاتەوەی ڕێککەوتنی ئاگربەست ڕاگەیەندراوە، گروپە خۆڕاگرییەکانی فەلەستین بە تەواوی پابەندی مەرجەکانی بوون و بە هیچ شێوەیەک پێشێلیان نەکردووە.
