حیزام ئەسەد، ئەندامی مەکتەبی سیاسی بزووتنەوەی ئەنساروڵڵا پەیامی دا کە ئەگەر هێرشەکان بۆ سەر یەمەن بەردەوام بن، دەکرێت دووبارە دامەزراوەکانی ئارامکۆ لە سعودیە بکرێتە ئامانج.

حیزام ئەسەد، ئەندامی ئەنجومەنی شورا لە سەنعای پایتەختی یەمەن و ئەندامی مەکتەبی سیاسی بزووتنەوەی ئەنساروڵڵا، ڕایگەیاند، ئەگەر سعودیە بەردەوام بێت لە هێرشەکانی بۆ سەر یەمەن، ڕەنگە وەڵامی نوێ وەربگیرێت و پەیامی دا کە دەکرێت دووبارە دامەزراوەکانی ئارامکۆ بکرێتە ئامانج.

لە پۆستێکدا لە پلاتفۆرمی سۆشیال میدیای ئێکس، ئەسەد هۆشدارییەکی بۆ سعودیە بڵاوکردەوە بە بڵاوکردنەوەی وێنەی دامەزراوەکانی ئەبقائیق و ئارامکۆ لە جددە، کە لە ساڵی ٢٠١٩دا لەلایەن ئەنساروڵڵاوە لێیاندرا.

ئەسەد جەختی لەوە کردەوە کە گەلی یەمەن بە چەندین ساڵ بەدەست هێرش و پەلامارەکانەوە دەناڵێنێت و وتی، "چیتر دەرئەنجامەکانی هێرشەکان بە سەرکردایەتی سعودیە قبوڵ ناکەین."

ئەسەد وێنەی لێدانی دامەزراوەکانی ئارامکۆی بڵاوکردەوە و ڕاگەیاند، "تەنها بۆ ئەوەی بیرتان بخەینەوە... ئێمە دەستدرێژکار نین، و ناهێڵین گەلەکەمان تا کاتێکی نادیار ئازار بچێژێت. شەهیدەکانمان، بریندارەکانمان، مزگەوتەکانمان، نەخۆشخانەکانمان، بازاڕەکانمان، قوتابخانەکانمان، هۆڵەکانی ماتەمینیمان، و کاروانە بۆردومانکراوەکانمان لەبیرناکەین. ئێمە مافدار و ستەملێکراوین. مەولەکەمان خودایە، مەولای ئەوان ترامپە."(İLKHA)