13 oC 
Güneşli
بزووتنەوەی خۆڕاگری ئیسلامیی حەماس ڕایگەیاند پلانی نوێی نیشتەجێکردنی رژێمی داگیرکەر کە زەوییەکانی پڕۆژەی فڕۆکەخانەی قەلەندیای کردووەتە ئامانج و دروستکردنی نزیکەی ٩ هەزار یەکەی نیشتەجێبوونی نوێ لەخۆ دەگرێت، دەستدرێژییەکی ڕاستەوخۆ بۆ سەر شاری قودس و پیرۆزییە ئیسلامییەکان هەژمار دەکرێت.
هاروون ناسرەدین، ئەندامی مەکتەبی سیاسیی حەماس و بەرپرسی دۆسیەی قودس دووپاتی کردەوە، هاوکاتبوونی ئەم پلانە لەگەڵ هەنگاوی دانیشتووانی شارۆچکەکان بۆ دانان و داگیرساندنی مۆمدانی جەژنی "حەنووکا" لە نزیک دەرگای "ئەلقەتتانین"، یەکێک لە دەرگا مێژووییەکانی مزگەوتی ئەقسا، بەشێکە لە ڕەوتی مەترسیداری توندکردنەوەی بەجوولەکەکردن و کردەوە ورووژێنەرەکان دژی ئەم شوێنە پیرۆزە.
ناوبراو وتیشی ئەم کردەوانە بە پاڵپشتیی تەواوی هێزە داگیرکەرەکان ئەنجام دەدرێت و لە چوارچێوەی سیاسەتێکی بەئامانجکراو بۆ سەپاندنی ڕاستییە نوێیەکانی بەجوولەکەکردن، گۆڕینی ناسنامەی ئایینی و مێژوویی مزگەوتی ئەقسا و پێشێلکردنی ئاشکرای یاسا و بڕیارنامە نێودەوڵەتییەکاندا جێ دەگرێت.
ناسرەدین هۆشداریی دا کە بەردەوامیی نیشتەجێکردن، دەستدرێژی بۆ سەر مزگەوتی ئەقسا و پەلامارەکان دژی نوێژخوێنان، لێکەوتەی مەترسیداری بۆ داگیرکەران بەدوادا دەبێت و سیاسەتی ورووژاندنی ئایینی، دەبێتە زەمینەخۆشکەر بۆ پەرەسەندنی تووڕەیی و ڕووبەڕووبوونەوە.
ئەو داوای لە ئوممەتی ئیسلامی و ئازادیخوازانی جیهان کرد بۆ بەرگری لە قودس و مزگەوتی ئەقسا و ڕاگرتنی سیاسەتەکانی بەجوولەکەکردن و دەستدرێژییەکان، بەرپرسیارێتیی خۆیان لە ئەستۆ بگرن. ناوبراو دووپاتی کردەوە کە ناسنامەی عەرەبی-ئیسلامیی مزگەوتی ئەقسا بەم کردەوانە ناگۆڕێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٠ هەزار و ٦٦٧ کەس و ژمارەی بریندارەکانیش گەشتە ١٧١ هەزار و ١٥١ کەس.
بزووتنەوەی خۆڕاگری ئیسلامیی حەماس ڕایگەیاند کە گەلی فەلەستین لە کەرتی غەززە بەدوای دۆخی کەشوهەوای سەخت و لێکەوتەکانی جەنگی جینۆساید، لەگەڵ کارەساتێکی مرۆیی ڕوو لە زیادبوون بەرەوڕوون.
رژێمی داگیرکەر بەرەبەیانی ئەمڕۆ لە ناوچە جیاجیاکانی کەناری ڕۆژئاوا چەندین هەڵمەتی ئەنجام دا. ١٠ کەسیان دەستبەسەر کرد کە یەکێکیان ئەسیرێکی ئازادکراو و یەکێکیان کچێک بوو.
هێزەکانی رژێمی داگیرکەری سەهیۆنی جارێکی دیکە ڕێککەوتنی ئاگربەستی پێشێل کرد و هێرشی کردە سەر چەند ناوچەیەک لە ڕۆژهەڵاتی کەناری غەززە.
