لە خۆپیشاندانەکەدا کە لە غەززە بەڕێوەچوو، تیشک خرایە سەر ئەوەی کە رژێمی داگیرکەر بە شێوەیەکی سیستماتیکی ئاگربەست پێشێل دەکات، قەیرانی مرۆیی بەردەوامە و کۆمەڵگەی نێودەوڵەتی دەبێت هەنگاو بنێت.

خۆپیشاندانێک لە بەردەم نەخۆشخانەی ئەلشیفا لە غەززە بەڕێوەچوو، کە لەلایەن گروپە نەتەوەیی و ئیسلامییەکانەوە بانگەوازی بۆ کرا و پێشێلکارییەکانی ئاگربەست لەلایەن رژێمی داگیرکەرەوە ئیدانە کرا.

ئەو گرووپە داوای لە کۆمەڵگەی نێودەوڵەتی کردووە بەپەلە دەستوەردان بکەن.

هەروەها حازم قاسم وتەبێژی بزووتنەوەی حەماس لە بەیاننامەیەکدا ڕایگەیاندووە کە هێرشەکان بۆ سەر غەززە بە شێوەی جۆراوجۆر بەردەوامن. قاسم ڕایگەیاندووە، ڕێگریکردن لە گەیاندنی هاوکارییەکان، داخستنی دەروازە سنوورییەکان و سزادانی بەکۆمەڵ لەگەڵ ڕۆحی ئاگربەستدا ناگونجێت.

لە کۆتاییدا قاسم جەختی لەوە کردەوە کە پێویستە لایەنە کەفیلەکان بەرپرسیارێتی خۆیان لە ئەستۆ بگرن و رژێمی داگیرکەر ئاگادار بکەنەوە کە بەرپرسیارێتی خۆی جێبەجێ بکات و فشارە نێودەوڵەتییەکان زیاتر بکەن.(İLKHA)