جێگری سەرۆکی ئەمریکا جەی دی ڤانس ڕایگەیاند کە ئیدارەی واشنتۆن هەموو بژاردەکانی لەبەردەستدایە سەبارەت بە ئێران، لەوانەش ئۆپەراسیۆنە ئابووری، سەربازی، دیپلۆماسی و شاراوە، هەروەها بۆ ئەوەی دانوستانەکان لە گەرووی هورمز دەست پێبکەنەوە، دەبێت هێرشەکان بۆ سەر کەشتییە بازرگانییەکان کۆتایی پێبێت.

ڤانس لە لێدوانێکیدا بۆ ڕۆژنامەنووسان لە کۆشکی سپی، ئەو بژاردانەی خستەڕوو کە دەتوانرێت بۆ ئێران جێبەجێ بکرێن و ڕایگەیاند کە ئامرازە جۆراوجۆرەکان لەوان "فشاری ئابووری، فشاری سەربازی، فشاری دیپلۆماسی و فشاری شاراوە" لەسەر مێزەکەن.

جێگری سەرۆکی ئەمریکا مەرجێکی بۆ دەستپێکردنەوەی دانوستان لەگەڵ ئێران دانا و بانگەشەی ئەوەی کرد کە تاران دەبێت هێرشەکانی بۆ سەر کەشتییە بازرگانییەکان لە گەرووی هورمز ڕابگرێت.

ئەو لێدوانانە لە کاتێکدایە کە گرژییەکانی نێوان واشنتۆن و تاران پەرەی سەندووە. بەپێی زانیارییەکان، ئەمریکا گوشارە ئابوریەکان بۆ سەر ئێران زیاد دەکات و بەردەوامی لە چالاکییە سەربازییەکانی دەوروبەری گەرووی هورمز دەدات.

محەممەد ڕەزا عارف، جێگری یەکەمی سەرۆک کۆماری ئێران ڕایگەیاند، دوای هێرشەکانی ئەم دواییەی ئەمریکا، حیساباتی ئەمنی و دوکتورینی بەرگری تاران گۆڕانکاری بەسەردا هاتووە و وەڵامی داهاتووی ئێران "هاوسەنگ و فرەلایەنە" دەبێت.

عارف هۆشداریشیدا لەوەی ئابوری ئەمەریکا لە کەرتی وزەشدا ڕووبەڕووی کێشە دەبێتەوە.

بەو پێیەی واشنتۆن و تاران هیچ پەیوەندییەکی دیپلۆماسییان نییە، گەرووی هورمز وەک یەکێک لە گرنگترین خاڵەکانی مشتومڕ لەم ململانێیەدا دەمێنێتەوە.(İLKHA)