ژمارەی ٥٥ی گۆڤاری "کەلها ئامەد" بە سەرناوی "دووبارە خوێندنەوەی مێژووی کوردەکان" بڵاو کرایەوە.

لەم ژمارەیەی گۆڤاری "کەلها ئامەد" سەرنج ڕاکێشرا بۆ سەر بابەتی گرنگی زمانی کوردی و سیاسەتی نەبوو هەژمار کردن و ئاسیمیلەکردن لە بەرامبەر زمانی کوردی.

لە دەقی پێشەکی گۆڤارەکە سەبارەت بە ناوەڕۆکی ئەم ژمارەیەی گۆڤارەکە باس لەوە کرا:

"خوێنەرانی خۆشەویست!

لەم ژمارەیەی گۆڤارەکەمان باسمان لە بابەتێکی گرنگ کرد. زانینی مێژووی کورد. گرنگی بابەتەکە ئەمەیە: چونکە مێژووی قەومێک مێشک و بیری ئەو قەومەیە. زانینی مێژووی کوردەکان بە واتای ناسینی کوردەکان بە خۆیەتی. ئەو کەسانەی نایانەوێت کوردەکان بناسن مێژووکەیان ئینکار دەکەن. هەروەها ئەو کەسانەی دەیانەوێت کوردەکان بۆ ئامانجەکانی خۆیان بە کار بێنن و بکێشن بۆ لایەکی دیکە، مێژووکەیان تەحریف دەکەن و گۆڕانکاری تێدا دەکەن، ئیفرات و تەفریت تێیدا دروست دەکەن.

نووسینەکانمان لەم هەژمارەیە نیشان دەدەن کە مێژووناسی و مێژوونووسی چەندە گرنگن. مانشێتەکەمان کە لەم بارەیەوە نووسراوە دەڵێت، مێژوو پێویستی بە دووبارە خوێندنەوە هەیە بۆ ئەوەی دووبارە بنووسرێتەوە. هەروەها نیشان دەدات کە ئەگەر مێژوو دووبارە بخوێنڕێتەوە دەبینرێت کە مێژووی کوردەکان چەندە بە هێزە و مێژووی ئوممەتە. سەبارەت بەم بابەتە لەگەڵ پسپۆری مێژووی کوردەکان، مامۆستای زانکۆی زاخۆ پرۆفسیۆر دکتۆر فەرسەت مەرعی هەڤپەیڤینێکمان ئەنجام دایەوە. فەرسەت مەرعی باس لە ئەسلی کوردەکان، دین و کەلتوور و تێکۆشان و مسوڵمانبوون و ملمڵانەکانی نێوانیان و هەوڵەکانی سیاسی لە بەرامبەر مێژووی کوردەکان کرد و چەندین خاڵی سەیر و سەمەرەی هێنایە دەرەوە. هەروەها ژمارەیەکی زۆر بابەتی ڕوون و زەلال کردەوە.

باوەڕ دەکەین کە خوێنەرانی گۆڤارەکەمان زۆر سوود لێ وەردەگرن. سەبارەت بەم بابەتە نووسەرێکمان بە ناوی جەواد قەمەری لاپەڕەیەک لەبارەی رووداوەکانی نزیکەی مێژووی کوردەکان بە شێوەزاری تایبەتی کوردەواری ئامادە کردەوە. ئەم نووسینە خوێنەر دەخاتە ناو عەقڵی سەلیم و دلسۆزی. خۆشی ئەدەبیاتی قسەیی و نووسراوی کوردی یەک دەخات. شەریف ئەمین نووسینێک لەبارەی کەلتوور و تایبەتمەندی کوردەکان نووسیوە. لە نووسینەکەدا مێژوو و ئەدەبیاتەی لە کوردستان دروست بووە و قەومی کورد لە قەومەکانی دیکە جیاواز کردووە باشتر دەبینین. عبدالباقی بۆتی باس لە رۆلی مەدرەسەکان لە مێژووی کوردەکان کردووە. یوسف عارفئۆغلو شیعری "مۆنا رۆسا" کە شیعرێکی سەزائی کاراکۆچە وەرگەڕاندووە زازاکی. هەروەها ئیبراهیم تاوزی بە زازاکی باس لە موعازی کوڕی جەبەل کردووە.

لە مانگی ١٠ لە دیاربەکر کۆنفرانسی "هەفتەمین دیداری زانایان" بەڕێوەچوو. لەبەر ئەوەی پەیوەندی لەگەڵ بابەتەکەمان هەبوو، لە گۆڤارەکەمان نووسیمان "ئەرکی زانایان لە بەرامبەر کێشەی کوردەکان" کە یەکێک بوو لە بابەتەکانی کۆنفڕانسەکە. إن شاء الله، لە هەر ژمارەیەک بەشێک لە نووسینەکە بڵاو دەکەین. هەروەها راگەیەندراوی کۆتایی کۆنفڕانسەکە بڵاو دەکەین. هەر نووسینێکمان بەهایەکی تایبەتی هەیە. سوپاسگوزاری نووسەرەکانمان دەکەین. هەوڵ لە ئێمەوە، تەوفیق لە خوداوە، خوێندن لە ئێوە خوێنەرانەوە. تکایە فەرمۆن..."(İLKHA)