Îranê li peravên Kendava Ummanê tankereke petrolê ya biyanî ku tê de 6 milyon lître sotemeniya dîzelê ya qaçax hatibû dîtin desteser kir. Hat ragihandin ku pergalên navîgasyonê yên tankerê hatine sekinandin.

Serdozgerê Wîlayeta Hurmuzganê Kahramanî ragihand ku di operasyonekê de li peravên Behra Erebî tankereke petrolê ya biyanî ku 6 milyon lître sotemeniya dîzelê ya qaçax hildigirt, hatiye rawestandin.

Kahramanî diyar kir ku rayedarên dadwerî di encama xebatên teknîkî û îstîxbaratî de keştî tespît kirine û tankerê hewl daye ku çalakiyên xwe yên qaçaxçîtiyê bi girtina hemî pergalên xwe yên navîgasyon û alîkariya navîgasyonê veşêre.

Hat ragihandin ku derbarê bûyerê de lêpirsînên qanûnî hatine destpêkirin û keştî û sotemeniya qaçax hatine desteserkirin. Rayedarên Îranê tekez kirin ku dê kontrolên li dijî bazirganiya sotemeniya neqanûnî li herêmê bi biryardarî berdewam bikin. (ÎLKHA)