Sêzdeh sivîlên bêguneh ên ku li Şerîda Xezzeyê hatibûn desteserkirin, piştî mehan îşkence û îhmalkirina tenduristî, bi rêya Komîteya Navneteweyî ya Xaça Sor hatin berdan.

sîyonîstên îşxalker piştî îşkence, muameleya xerab û îhmalkirina tenduristî, 13 sîvîlên bêguneh ên ku ji Xezzeyê girtibûn, piştî mehan îşkence, muameleya xerab û îhmalkirina tendurirîstî, serbest berdan.

Komîteya Navneteweyî ya Xaça Sor (ICRC) di daxuyaniyekê de got, "Sêzdeh Filistînî hatin berdan û ji Deriyê Sînor ê Kerem Ebû Salim bo Nexweşxaneya Şehîdan a Eqsayê hatin veguhastin. Ekîba me pêwendiya wan û yekbûna wan bi malbatên wan re garantî kir."

Hat destnîşankirin ku Xaça Sor ji Adarê ve alîkariya berdana 255 sîvîlan kiriye, ku 5 ji wan jin in, û alîkariya wan kiriye ku bi malbatên xwe yên li Xezzeyê re bibin yek.

Di daxuyaniyê de hat destnîşankirin ku divê navên Filistîniyên êsîr werin ragihandin û mafê serdanê ji wan re bê dayîn û wiha hat gotin, "Li gorî qanûnên mirovî yên navneteweyî, divê bi awayekî mirovî muamele li girtiyan bê kirin, şert û mercên girtinê yên maqûl bên peyda kirin û divê şiyana wan a têkiliyê bi malbatên xwe re bê garantîkirin."

Li gorî vegotinên girtiyên berê yên Filistînî, gelek girtî ji ber pirsgirêkên tenduristiyê yên ku ji ber kêmbûna xurekê û îşkenceyên giran ên di girtîgehên îşxalê de dijîn, tên berdan.

Komeleya Girtiyên Filistînî berê diyar kiribû ku rejîma sîyonîst bi tevahî veşartî bi hezaran Filistîniyan ji Xezzeyê digire û wan di şert û mercên tirsnak de dihêle ku zirarên herî giran bidin wan. (ÎLKHA)