Li meydana Sabin a Sanaya paytexta Yemenê, meşek bi mijara "Ji bo piştgiriya Xezzeyê... Bi hêza Xwedê, me Emrîkayê têk bir û em ê îsraîlê jî têk bibin" bi awayekî bêhempa hate lidarxistin.

Xwepêşanderên ji taxên cuda yên paytext Sana û navçeyên derdorê bi rêya kanala El-Mesîra ya girêdayî Ensarullah peyamek dan Emrîka û rejîma îşxalker.

Beşdaran tekez kirin ku derketina kolanan a îro nîşan da ku sebir û qurbaniyên gelê Yemenê ne bê feyde bûn, ku ew piştrastkirina serkeftina li dijî Emrîkayê ye, û rawestana li kêleka gelê Filistînî yê mezlûm berhem daye.

Xwepêşanderan tekez kirin ku ew ê bi her awayî piştgiriya xwe ya ji bo gelê Filistînê bernedin, ku ew ê rejîma îşxalker jî têk bibin mîna ku wan Emrîka têk bir, ku teslîmbûn di ferhenga gelê Yemenê de tune ye û tenê vebijarka wan bikaranîna hêzê ye.

Yemeniyan got, "Dewleta super a ku wekî bêhempa û bêqusûr tê nasîn li ber hêza Xwedê û berxwedana gelê Yemenê çok da; keştiyên wê yên balafirhilgir û şer li Behra Sor bedelên giran dan û neçar man ku danûstandinan qebûl bikin,"

Xwepêşanderan diyar kirin ku meşa li Meydana Sebîn tenê yek ji sedan meşên ku li herêmên azad ên Yemenê hatine lidarxistin e, û hin ji wan ji bo beşdarbûna vê çalakiya bi rûmet bi sedan kîlometre rêwîtî kirine.

Yemeniyan dubare kirin ku girseya mezin a ku ber bi meydanên Sena û paytexta wê ve bazda, li dijî xudperestiya sîyonîst derket û serkeftina xwe li ser Emrîkayê ragihand, û ew piştgiriya xwe ya ji bo Filistîn û berxwedana Xezzeyê didomînin.

Beşdarvanekî di axaftina xwe de bang li welatên din ên Îslamî kir ku tevlî refên gelê Yemenê bibin û rûmeta parastina Filistînê bi dest bixin, û bi bîranîna ayeta Quranê ya jêrîn, bang li şervanên berxwedanê yên li Xezzeyê kir: "Çend komên biçûk bi destûra Xwedê komeke mezin têk birine. Xwedê bi sebirkaran re ye."

Beşdarvan got, "Xwedê bi we re ye, em bi we re ne. Çekên me bi we re ne û em ê qet Xezzeyê û Filistînê bi tenê nehêlin."

Beşdarvanekî din got ku Emrîka têk çû, keştiyên wê yên balafirhilgir û şer ji Behra Sor revîyan, û ev yek bi saya kerema Xwedê, fermandariya wêrek a rêber, êrîşên hêzên çekdar, yekîneyên mûşek û dron, û biryardariya gelê Yemenê pêk hat.

Welatiyekî diyar kir ku hatina wî ya îro bo meydana Sebînê bersivek ji bo banga Xwedê, pêxember û rêber e û gelê Yemenê amade ye ku rojane biçe meydanan. Her wiha tekez kir ku ew bi biryar in ku welat ji îşxal û îşxalkeran rizgar bikin.

Xwepêşanderekî din got, "Em derketin da ku têkçûna Emrîkayê pîroz bikin. Em ê îsraîlê jî têk bibin. Muşekên me berdewam dikin, ew ê qet nesekinin. Em ê nehêlin îsraîl bêhna xwe vede. Heta ku gelê Yemenê li vir be, îsraîl ranazê. Em bang li welatên Ereb û Îslamî dikin: Ger hûn îro tedbîran negirin, hûn ê kengî tevbigerin, ey tirsonek, hevkar, normalîzeker!" (ÎLKHA)