Tevgera Cîhada Îslamî ya Filistînê bal kişand ku agirbest û peymana danûstandina êsîran a bi rejîma sîyonîst re ne lutif bû, lê bi saya berxwedana şehîdan pêk hat.

Tevgera Cîhada Îslamî diyar kir ku peymana agirbest û pevguhertina êsîran a bi rejîma qirker re, tevî ku hewldanên Ereb û navneteweyî nirxand, di serî de bi saya wêrekî û fedakariya gelê Filistînê û şervanên berxwedanê yên li ser erdê pêk hat.

Tevgerê diyar kir ku şehîd sembola berxwedanê ne û bêyî beşdariya wan ne mimkun bû ku di danûstandinan de helwesteke ewqas xurt bi dest bixista.

Di daxuyaniyê de hat diyarkirin ku ev peyman bi saya biryardariya gel û şervanan pêk hatîye, şehîd nayên jibîrkirin û doza Filistînê ew ê bi biryardarî li gorî azadî, serxwebûn û mafên neteweyî were parastin. (ÎLKHA)