Tevgera Cîhada Îslamî ya Filistînê rêberên şehîd ên Tûgayên Qessam bi bîr anî û tekez kir ku xwîna ku hatiye rijandin ew ê heta ku dagirkerî bi dawî bibe rêya berxwedanê ronî bike.

Tevgera Cîhada Îslamî ya Filistînê sersaxî ji Tûgayên Qessam û Hamasê re xwest, rêberên berxwedanê yên ku di şerê du salan ê qirkirinê yê li Xezzeyê de li hember êrîşên rejîma sîyonîst şehîd bûn bi bîr anî.

Daxuyaniya ku ji hêla tevgerê ve hatî weşandin tekez kir ku rêberên navborî "bêyî paşvekişandinê, bi rûbirûbûna rasterast bi dijmin re" li hember êrîşan li ber xwe dane, û tevî bombebarana giran û dorpêçkirinê jî biryardariya wan neşikestî maye.

Cîhada Îslamî di daxuyaniya xwe de got ku xwîna rêberên şehîd, ku axa Filistînê av da, ew ê ji bo nifşên pêşerojê meşaleyek rêber be, û ev qurbanî dê wekî çavkaniya îlhamê ku ruhê berxwedanê zindî dihêle bijîn. Tevgerê tekez kir heya ku dagirkerî bi dawî bibe û ax û cihên pîroz werin rizgarkirin ev rê dê berdewam bike.

Her wiha di daxuyaniyê de hat destnîşankirin ku xwîna şehîdên Tûgayên Qessam, Serîyyeyên Qudsê û hemû hêzên berxwedanê yên din, û her wiha gelê Filistînê, dê di têkoşîna ji bo têkbirina dagirkeriyê û bidawîanîna hebûna projeya siyonîst li ser axa Filistînê de çavkaniya herî mezin a îradeyê û biryardariyê be. (ÎLKHA)