Di daxuyaniya hevbeş a civîna BRICSê de hat diyarkirin ku divê hêzên işxalker bi tevahî ji Xezzeyê û hemû axên Filistînî yên îşxalkirî vekişin û divê li Xezzeyê agirbestek bê şert û merc bê damezrandin.

17emîn Lûtkeya Serokên BRICSê, ku ji teref serokê demkî yê Brezîlyayê ve tê lidarxistin, li Rio de Janeiro dest pê kir.

Di daxuyaniya hevbeş de, tekez li ser vê yekê hat kirin ku "Xezzeyê beşek ji Filîstînê ye ku nayê veqetandin" û agirbestek tavilê, daîmî û bê şert û merc hat xwestin.

Di daxuyaniyê de hat gotin ku divê hêzên rejîma sîyonîst ji hemû axên îşxalkirî yên Filistînê vekişin û  hat destnîşankirin ku divê Şerîaya Rojava û Xezze bibin yek û piştgirî ji dewleteke serbixwe ya Filistînê re bê dayîn.

Her wiha got ku ew "Ji ber êrîşên berdewam ên îsraîlê li ser Xezzeyê û astengkirina alîkariya mirovî pir nîgeran in."

Di daxuyaniya hevbeş a BRICSê de hat gotin ku rakirina mueyîdeyên yekalî yên li dijî Sûriyeyê bi kêfxweşî hat pêşwazîkirin,  îşxalkirina axa Sûrîyeyê ji teref rejîma sîyonîst ve li dijî hiqûqa navneteweyî ye û divê ew tavilê ji Sûrîyeyê vekişin. (ÎLKHA)