Li Qesra Spî di navbera Ezerbaycan û Ermenistanê de peymana aştîyê hat îmzekirin. Serokê Emrîkayê Donlad Trump, di bernameyê de got, “Em serfiraz bûn ku di navbera Ezerbaycan û Ermenistanê de aştîyê li dar bixin. Herdu welat jî heta bêdawîyê qebûl kirin ku herbê qedandine.”

Serokkomar Ezerbaycanê Îlham Alîyev û Serokwezîrê Ermenistanê Nikol Paşînyan, ji bo hevdîtina sêyem a ku bi Serokê Emrîkayê Donald Trump re li dar bixin çûn Qesra Spî.

Serokê Emrîkayê Donald Trump, bi herdu serokan re jî hevdîtinek kir û daxuyanîyek da, di  lûtkeyê de, hat daxuyandin ku bi Serokkomar Alîyev û Serokwezîr Paşînyan re mitabeqetekî sêyem hat îmzekirin.

Trump di daxuyanîya xwe de weha got, “Em serfiraz bûn ku di navbera Ezerbaycan û Ermenistanê de aştîyê li dar bixin. Herdu welat jî heta bêdawîyê qebûl kirin ku herbê qedandine.”

Trump dûre weha got, “Ermenistan û Ezerbaycan, garantî didin ku pevçûnan didin sekinandin, têkilîyên bazirganî û dîplomatîkî didin destpêkirin û ji yekîtîya axên hev re rûmetê nîşan didin. Ev, ji bo Azerbaycanê gelek muhîm e.”

Serokkomarê Ezerbaycanê Îlham Alîyev di daxuyanîya xwe de weha got, “Bi rasî jî îro rojekî dîrokî ye, em îro li Qefqesan aştîyê tesîs dikin. Ev ne ku tenê ji bo me firsedan çêbike, ew ê ji hemû herêmê firsedên gelek baş derbixe holê.”

Piştî axavtinan herdu serok jî nameyê îmze kirin. Trump jî wek şahid îmzeya sêyemîn avêt. (ÎLKHA)