Digel agirbestê jî komkujî: Li Xezzeyê 17 jê zarok 28 şehîd, 77 birîndar
13 oC
13 oC
Güneşli
13 oC
Güneşli
Rejîma sîyonîst, peymana agirbestê paşguh kir, rêze êrîş li ser penagehên sivîl li Xezzeyê û Xan Yûnisê da destpêkirin. Piştî komkujiyê, îşxalkeran îddîa kir, "Me serokên HAMASê hedef girtin"
Ji sibeha çarşemê ve, balafirên şer û bêpîlot ên rejîma sîyonîst sivîlên li deverên cuda yên Xezzeyê û Xan Yûnisê hedef girtin. Di encama êrîşan de 28 Filistînî, ku 17 ji wan zarok û jin bûn, hatin kuştin û zêdetirî 77 kesên din jî birîndar bûn.
Li gorî agahiyên ku ji çavkaniyên nexweşxaneyê hatine bidestxistin, di êrîşeke li ser avahiyeke ku malbatên koçber lê dimînin li taxa Zeytûnê ya li başûrê rojhilatê Xezzeyê de şeş Filistînî şehîd bûn û gelek jin û zarok jî birîndar bûn.
Navenda Pizîşkî ya Nasir li Xan Yûnis ragihand dema ku dronên çekdarî yên aîdî rejîma dagirker konên penaberan ên li herêma Mewasiyê hedef girtin heft Filistînî şehîd bûn.
Daxwazên nû yên rejîma sîyonîst
Artêşa rejîma siyonîst êrîşan wekî "bersiveke li dijî hedefgirtina HAMASê" bi nav kir. Lêbelê, çapemeniya îşxalker îddîa kir ku rejîmê li taxa Zeytûnê "li civîneke serokên HAMASê xistiye"
Di nav kesên ku tê îddîakirin ku di agahiyên derketine holê de bûne hedef, fermandarê Tabûra Zeytûnê, cîgirê fermandarê herêmî û serokê yekîneya deryayî ya Tûgayên Îzzeddîn el-Qessam hene.
Analîstê leşkerî Ramî Ebû Zubeyde diyar kir ku rejîm bi van daxuyaniyan hewl dide ku ji bo êrîşên pêşwext plankirî hincetan çêbike û got, "Ev êrîş ne bersivek in; ew gavên pêşwext amadekirî ne di çarçoveya lîsteya hedefên berfireh ên dagirkeran de."
Her çiqas Haaretz, rojnameya çapemeniya dagirker a rastgir, nivîsand ku encamên êrîşê "hêna jî ne diyar in", dezgehên din ên medyayê ragihandin ku rêveberiya Emrîkayê li ser êrîşan hatiye agahdarkirin.
Banga ji xizmên windayan
Di heman demê de, malbatên sivîlên li Xezzeyê windabûyî li ber Navenda Pizîşkî ya Nasir li Xan Yûnisê xwepêşandanek li dar xistin, û bang li civaka navneteweyî kirin ku ji bo diyarkirina çarenûsa xizmên wan ên di destê dagirkeriyê de êsîrgirtî tedbîran bigire.
Xwepêşanderan tekez kirin ku veşartina çarenûsa zarok, jin û sivîlan îxlalkirina qanûnên navneteweyî ye û gotin, "rejîma sîyonîst divê derbarê kesên ku ew êsîr girtine de agahî bide." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li Maadan Badiya, rojhilatê Reqqayê, şevê din di navbera artêşa Sûriyeyê û QSDê (PKK/YPG) de şerên dijwar qewimîn. Her du aliyan jî windahiyên xwe eşkere nekirin û pêşeroja peymana entegrasyonê ya ku di meha Adarê de hatibû îmzekirin careke din bûye mijara nîqaşê.
Artêşa Sûdanê "pêşketineke girîng" li xetên pevçûnê yên li Kurdufanê ragihand, di heman demê de Brîtanyayê daxwaza agirbesteke sê mehî ya tavilê kir da ku alîkariya mirovî bigihîje sîvîlan.
Cihûyan, di bin parastina rejîma sîyonîst de, hewl dan ku qurbanên qurbanê bi qaçaxî bibin nav Mizgefta Eqsayê. Rayedarên Filistînî ev hewldan wekî "êrîşek rêxistinkirî ya ku armanca wê qirêjkirina Eqsayê ye" bi nav kirin, lê Urdunê wekî "îxlalkirinek eşkere ya qanûnê" bi nav kir.
