Ebû Ubeyde, berdevkê Tûgayên Îzzeddîn el-Qessam, baskê leşkerî yê Hamasê, ji bo li Şerîaya Rojava û Qudsê banga zêdekirina çalakiyên berxwedanê kir.

Ebû Ubeyde di daxuyaniyekê ku li ser hesabê xwe yê Telegramê belav kir de, bang li ciwanên Filistînî kir û got, "Li dijî îşxalekran rabin û rê li ber wan bigirin ku sûc û planên xwe yên ji bo îlhaqkirina Şerîaya Rojava bidomînin."

Ebû Ubeyde got, "Divê em ji bona ku Filistîna di destê me de maye ji destê xwe nekin tevbigerin."

"Ji El Xelîl heta Cenînê, şervanên me li dijî êrîşên li ser Mescîda Eqsayê û sûcên hêzên îşxalker û niştecihên ku jiyanê vediguherînin cehennemê, operasyonên xwe yên qehremanî didomînin."

Banga Ebû Ubeyde piştî opersayoneke fedakar a du şervanên berxwedana Filistînî li nêzîkî El Xelîlê hat, ku tê de leşkerekî îşxalker hat kuştin û micahîdan jî şehîd bûn.

Li gorî agahiyên nû hatine eşkerekirin, di vê operasyonê de, ku li wargeha "Guş Etzion" pêk hat, şervanên berxwedanê leşkerekî ku bi kêrê ew kuştibûn bêçek kirin û bi leşkerên îşxalker û niştecihên li cihê bûyerê re şer kirin. Li gorî agahiyan, micahîd ji wesayîta bi plakayên Filistînî daketine, ketine nav navendeke kirînê ya li herêmê û di nav çend deqeyan de êrîş pêk anîne. (ÎLKHA)