Alîkarê Serokê Giştî yê Karwana Hêvîyê Erdal Elîbûyûk ku ji bo meşa Xezzeyê çûbû Misirê û li wê derê hatibû binçavkirin got, “Em ji teref muxaberata Misirê ve hatin binçavkirin. Nêzê 3 seatan me kirin pirsyarîyê, em dûçarê zext û êrîşa psîkolojîkî bûn. Nehiştin em avê vexwin û ji nimêjê re jî îzîn nedan.”

Elîbûyûk ku hat binçavkirin û 3 seat hatibû pirsyarkirin ji otêla diman re dîsa hatin anîtin di bin çavdêrêyî de dimînin. Û pêvajoyê ewakî qal kir:

“Di seatên serê sibehê de nêzê 4 saet em li Balafirgeha Qahîreyê hatin sekinandin. Dûre di Otêla Montecairo ku em li wê diman de ji teref Muxaberata Misirê ve hatin binçavkirin. Nêzê 3 seatan me kirin pirsyarîyê, em dûçarê zext û êrîşa psîkolojîkî bûn. Nehiştin em avê vexwin û ji nimêjê re jî îzîn nedan. Dest danîn li ser telefonên me. Dûre me kirin nav mînîbûsekî û xwestin ku me bibin cîhekî. Piştî 20 deqîqeyan tewrên wan guherî û cardin me birin Otêla Montecairoyê. Niha em di otêlê de ne û bi fîîlî di bin çavdêrêyî de ne. Li derdorê otêlê muxaberat heye û nahêlin ku em derkevin derve. Êrîş û zexta psîkolojîkî hêna jî berdewam dike.”

“Em ji bo Misirê protesto bikin nehatine, ji bo Xezzeyê hatine”

Elîbûyûk, “Em ji bona ku hikûmeta Misirê protesto bikin nehatine li vê derê, ji bo Xezze, Eqsa û wijdana însanîyetê hatine li vê derê. Armanca me ev e ku em ji Bendera Arîşê bimeşin heta Derîyê Sînor a Refahê. Armanca me ev bû ku em ji mezlumên Xezzeyê re bibin deng, berxwedanê silav bikin lê dengê me li sîyonîstan neket, li kesên ku me asteng kirin ket. Di tirsê de ar û zillet, di pêşveçûnê de şeref û îzzet heye. Mirov tirsonektîyê bike ji qedera xwe nareve. Armanc û nîyeta me tineye ku em ji qedera xwe birevin û dev ji şeref û îzzeta xwe berdin. Canê me jî xwîna me jî ji Eqsayê re fedaye. Em ji canê zarokên Xezzeyî ne biqîmettir in. Ji vê seatê şûnve ji tiştên ku were serê me hikûmeta Misirê mesul e. Lê bila bizanibin… Tirsa me tenê ji Xwedê re ye. Em ê dengê xwe kêm nekin û bêdeng nemînin.” (ÎLKHA)