Serokê Emrîkayê Donald Trump ragihand ku li bakurê rojavayê Nîjeryayê li dijî hêmanên girêdayî DAIŞê êrîşên asmanî yên "xwînî û wêranker" hatine kirin û "êrîşên li dijî Xiristiyanan di demsala Noelê de" wekî sebeb nîşan da.

Serokê Emrîkayê Donald Trump roja Pêncşemê ragihand ku artêşa Emrîkayê li bakurê rojavayê Nîjeryayê li dijî komên çekdar ên girêdayî DAIŞê rêze êrîşên esmanî pêk anîne. Trump îddîa kir ku êrîş ji bo kiryarên ku sivîlên Xiristiyan hedef digirin "tolhildanek" bû.

Di postekê de li ser platforma xwe ya medyaya civakî Truth Social, Trump diyar kir ku hêzên Amerîkî operasyonên "pir tesîrdar û wêranker" pêk tînin, û got ku ger komên çekdar êrîşên xwe bidomînin dê derbên din jî werin.

Her çend Qesra Spî nihêrînek berfireh a êrîşan neda jî, Fermandariya Efrîqayê ya Dewletên Yekbûyî (AFRICOM) diyar kir ku operasyon "armanca jiholêrakirina tehdîdên terorîstî" bûn û hêza astengkirinê ya artêşa Amerîkî nîşan dan. (ÎLKHA)