HAMASê bang li alema Erep û Îslamê kir: Derkevin kolan û meydanan

Endamê Biroya Sîyasî ya Tevgera Berxwedana Îslamî ya Filistînê (HAMAS) Îzzet Er-Rîşk, bang li civakên Erep, Îslam û însanên azad kir û got, “Ji bo berteknîşandana qirkirina li Xezzeyê ya ku rejima îşxalker pêktîne, derkevin meydan û kolanan.”
HAMASê, daxuyand ku rejima îşxalker li gorî agirbestê tevnagere û li ber çavê welatên navbeynkar ji nû ve li dijî gelê Filistînê qirkirinê da destpêkirin.
Endamê Biroya Sîyasî ya Tevgera Berxwedana Îslamî ya Filistînê (HAMAS) Îzzet Er-Rîşk, di daxuyanîya xwe ya ku bi niviskî belav kir de weha got, “Netenyahu (Serokê rejima sîyonîst), bi astengkirina têketina xwarin û dermanan nesekinî; zarokên Xezzeyî di xewa wan de wan bi bombeyan kuşt.”
Rîşk, destnîşan kir rejima îşxalker a sîyonîst li ser soza xwe nesekinî û li ber çavê dinya û welatên navbeynkar mesulîyeta xwe bicîh neanîtîye. Rîşk, îfade kir ku Netenyahu êrîşa xwe ya li dijî Xezzeyê, ji bona ku xwe ji krîzên nav welat xelas bike daye destpêkirin, “Biryara vegera ji herbê re ya Netenyahuyê, tê vê maneyê ku ew êsîrên rejima sîyonîst qurban dike û derheqê wan de biryara îdamê dide.”
Bang li welatên Erep û Îslamê jî hat kirin û weha hat gotin, “Ev wehşeta Nazî-Sîyonîst û qirkirina ku sîvîl dûçar mane bila bê sekinandin. Derheqê îxlalkirinên agirbestê yê Netenyahu nîşan bidin û Netenyahuyê ku herêmê davêje ber agir jî mesul bibînin.”
Rayedarê Hamasê destnîşan kir rejima sîyonîst bê negihêje hedefên xwe û got, “Dijmin tiştên ku bi mizakereyê bidestnexist, ew ê bi herb û xerakirinê jî nikare bidestbixe.” (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Wezareta Tenduristiyê ya Filistînê ragihand ku îro serê sibê di encama serdegirtina hêzên îxşalker li bajarê Qelqeliyayê de Xalid Salih Quran ê 25 salî şehîd bû û 3 kes jî birîndar bûn.
Li herêma sînor a di navbera Sûrîye û Libnanê de di nav çend rojên dawîn de pevçûn çêbûbûn, vê carê peymana agirbestê hat îmzekirin. Peyman, armanc dike ku koordînasyon û hevkarîya leşkerî zêde bike.
Berdevka Qesra Spî Karoline Leavitt, îfade kir ku rejima sîyonîst di warê êrîşên li dijî Xezzeyê de bi Emrîkayê re şêwir kirîye û biryara erê ya Qesra Spî standîye, û got ku “Ew ê qîyamet rabe.”