Wezareta Tenduristiyê ya Xezzeyê ragihand ku di 24 saetên dawî de 4 şehîd û 8 birîndar gihîştine nexweşxaneyan. Wezaretê ragihand ku ji 7ê Cotmeha 2023an vir ve di êrîşên rejîma sîyonîst de hejmara şehîdan gihîştiye 73 hezar û 58an û hejmara birîndaran jî gihîştiye 173 hezar û 488an.

Wezareta Tenduristiyê ya li Xezzeyê daneyên nû yên derbarê ziyanên êrîşên rejîma sîyonîst li ser Xezzeyê parve kir.

Li gorî daxuyaniya wezaretê, di 24 saetên dawî de çar şehîd û heşt birîndar bo nexweşxaneyên li Xezzeyê hatine veguhastin.

Di daxuyaniyê de hat gotin ku ji 11ê Cotmehê ve agirbest şikestiye û vir ve, 1045 Filistînî şehîd bûne, 3380 kes birîndar bûne û 786 kes jî ji bin xirbeyan hatine rizgarkirin.

Bi vî awayî, hejmara şehîdên Filistînî di êrîşên rejîma sîyonîst li ser Xezzeyê de ji 7ê Cotmeha 2023an vir ve gihîştiye 73 hezar û 58 kesan, her wiha hejmara birîndaran jî gihîştiye 173 hezar û 488 kesan.

Wezareta Tenduristiyê ya Xezzeyê diyar dike ku gelek kes hêna jî di bin kavilan de û li deverên ku mirov nikarin bigihîjin wan de ne û hejmara rastîn ji hejmarên hatine weşandin zêdetir e. (ÎLKHA)