Îbrahîm el-Heyat ê 16 salî ku di êrîşa îşxalkerên sîyonîst ên li ser bajarê Xelîlê de bi giranî birîndar bûbû, şehîd bû.

Li bajarê El Xelîlê yê Şerîaya Rojava, di êrîşeke ku ji aliyê îşxalkerên siyonîst ve hat kirin de zarokek hat şehîdkirin. Îbrahîm Ebdulfettah El-Heyyatê 16 salî ji ber birînên giran ên ku ji ber guleyên îşxalekran wergirtibû şehîd bû.

Li gorî çavkaniyên tenduristiyê, El-Heyat ku rakirine nexweşxaneyê, digel hemû midexeleyên tenduristî canê xwe ji dest da.

Şahidan ragihandin ku hêzên îşxalker bi gelek wesayîtên leşkerî êrîşî navçeya El-Hewuz a bajêr kirin, rêyên sereke girtin û dikandar neçar kirin ku karên xwe bigirin.

Di êrîşê de du Filistîniyên din birîndar bûn û ew rakirin nexweşxaneyê. Her wiha hat ragihandin ku hêzên îşxalker Filistîniyekî ku navê wî nehatiye zanîn esîr girtine.

Di dema serdegirtinê de, îşxalker ketin malên derdorê û deriyên Komeleya Xêrxwaziyê ya Îslamî bi kemberê girtin û avêtin ser wê, ku xizmetê ji sêwiyan re dike. Her wiha hat ragihandin ku deriyên peymangeha perwerdehiya pîşeyî, ku berê jî hatibû hedefgirtin, bi zorê hatine girtin.

Hat ragihandin ku îşxalker li ser banên avahiyên nêzîk hilkişiyane, êrîşî klînîkeke tenduristiyê û gelek kargehan kirine, zirarê dane milkê Filistîniyan û bi birîna kabloyên kamerayên ewlehiyê herêm wêran kirine. (ÎLKHA)