Serokwezîrê Lubnanê Newaf Selam diyar kir ku başûrê Lubnanê li hember êrîşên rejîma îşxalker bi tenê nayê hiştin û banga yekîtiya neteweyî kir.

Serokwezîrê Lubnanê Newaf Selam diyar kir ku ji bo rawestandina êrîşên rejîma îşxalker û vegera koçberan bo ser axa xwe, yekîtiya neteweyî pir girîng e û got ku "başûrê Lubnanê careke din bi tenê nayê hiştin."

Di daxuyaniyekê de ku beriya salvegera şerê navxweyî yê Lubnanê hat dayîn, Selam got, "Her kesê ku piştgiriyek ji derve xwest û difikirî ku ev piştgirî ji bilî alîkariyê ti armancek din tune bû, şaş bû û xwe di lîstikek ji ya ku texmîn dikir pir mezintir de dît."

Selam diyar kir, "Erkê me yê neteweyî ye ku em tekez bikin ku başûrê Lubnanê careke din li hember tirs, wêranî û fikarên li ser pêşerojê bi tenê nayê hiştin. Parastina başûr, mîna parastina hemû Lubnanê, tenê bi dewletek yekane, bihêz û dadperwer dikare were bidestxistin."

Selam got ku ew ê ji bo rawestandina êrîşan, garantîkirina vekişîna rejîma îşxalker ji Lubnanê û vegerandina koçberan bo ser axên xwe bixebitin, û banga yekîtî û hevgirtinê kir da ku dewletek bihêz ava bibe. (ÎLKHA)