Serokê Têkiliyên Derve yê HUDA PARê Huseyîn Îmîr di beşdarbûna xwe ya bernameyeke televîzyonê de, di derbarê êrîşên Emrîka û rejîma sîyonîst ên li dijî Îranê û pêvajoya agirbesta demkî ya piştî wê de nirxandin kir.

Serokê Têkiliyên Derve yê HUDA PARê Huseyîn Îmîr di bernameya Rehber TVyê de pêvajoya agirbestê ya ku ji ber êrîşên Emrîka û rejîma îşxalker a sîyonîst a li dijî Îranê derketiye holê nirxand. Îmîr diyar kir ku Emrîka û rejîma îşxalker di şerê 40 rojî de şikestinek mezin dîtine û xwest ku baregehên Amerîkî tavilê werin girtin û ji bo ewlehiya herêmê peymanek ewlehiyê ya herêmî were avakirin.

Emrîka û rejîma sîyonîst di demekê de ku pêvajoya danûstandinan berdewam dikir, êrîşî Îranê kirin.

Îmîr diyar kir ku ji bo têgihîştineke rast a pêvajoyê analîzeke berfireh a hevsengiyên 40 roj berê pêwîst e û tekez kir ku Emrîka nikare êrîşên ku di 28ê Sibatê de dest pê kirine ne ji raya giştî ya xwe û ne jî ji cîhanê re rewa bike. Îmîr diyar kir ku êrîş bi tevahî xizmetê ji polîtîkayên berfirehker ên rejîma îşxalker a siyonîst re dikin û got, "Îro, 40 roj berê, dema ku pêvajoyên danûstandinê berdewam dikirin, li Îslamabadê danûstandin dest pê dikin, Emrîka û rejîma sîyonîst bi hevpeymaniyeke hevbeş êrîşî Îranê kirin. Vê rewşê careke din eşkere kir ku Emrîka û rejîma îşxalker bi tevahî ne pêbawer in û hiqûqa navneteweyî paşguh dikin."

"Daxwaza wan a ji bo agirbestê ji bo vekirina Tengava Hurmuzê qebûlkirina têkçûnê ye"

Îmîr destnîşan kir ku rejîma îşxalker ji Tofana Eqsayê ya 7ê Cotmehê vir ve li Xezzeyê, Lubnanê, Sûrîyeyê, Yemenê û herî dawî jî li Îranê komkujî û qirkirin pêk tîne û li ser xwezaya agirbesta hatiye ragihandin axivî.

Îmîr diyar kir, "Rastî raya giştî dipirse, 'Wateya agirbestê ya îro ji bo vekirina Tengava Hurmuzê çi ye, dema ku ew 40 roj berê vekirî bû?' Daxwaza wan a agirbestê ji bo vegera rewşa 40 roj berê eşkere dike ku Emrîka û rejîma îşxalker di vî şerî de şikestinek mezin xwarine. Ti ji armancên diyarkirî nehatine bidestxistin; di rastiyê de, ew negihîştine armanca xwe."

"Divê helwesteke zelal li dijî kesên ku agirbestê îxlal dikin were girtin"

Îmîr, bi bîr xist ku plana agirbestê ya 10 maddeyî ya Îranê ne tenê Îranê, lê di heman demê de Lubnan, Yemen û Iraqê jî digire nav xwe û ev yek ji aliyê welatê navbeynkar Pakistanê ve jî hatiye piştrastkirin û got, "Welatên herêmî, bi taybetî Pakistan, divê li dijî êrîşên rejîma îşxalker a li ser Lubnanê û piştgiriya van îxlalkirinan ji aliyê Emrîkayê ve helwesteke zelal nîşan bidin. Aliyê ku agirbestê îxlal dike eşkere ye. Tevî vê yekê, bangkirina 'herdu aliyan' ji bo aramiyê û pabendbûna bi agirbestê ne adil e. Em îro şahidê dubarebûna van îxlalkirinan in ji ber ku helwesteke zelal li dijî rejîma îşxalker nehatiye girtin."

"Mînaka Ummanê eşkere ye; ji bo ewlehiya herêmê, divê baregehên Amerîkî werin girtin"

Îmîr diyar kir ku welatên herêmê bêçare nînin û Îranê, bi sûdwergirtina ji rewşa xwe ya jeopolîtîk di navbera 40 rojan de, Amerîka û rejîma dagirker neçar kir ku agirbestê îlan bikin û got: "Ji ber ku li Ummanê baregehên Amerîkî tune ne, ne êrîşek li dijî Îranê çêbû û ne jî tolhildanek li dijî Ummanê. Di navbera her du welatên cîran de ti pirsgirêk derneket û Umman li derveyî vî şerî ma. Lêbelê, ji ber ku ji welatên din ên Kendavê yên ku li ser axa xwe baregehên Amerîkî hene êrîş li dijî welatê me yê bira Îranê hatin kirin, li dijî van baregehan tolhildan çêbû. Van welatan ji bo şerekî ku ne yê wan bû bedelên giran dan. Ev rewş nîşan dide ku mînaka Ummanê divê ji bo tevahiya herêmê bibe mînak. Gava yekem ku divê ji bo ewlehî û aramiya herêmê were avêtin, girtina baregehên Amerîkî ye."

"Rejîma îşxalker ne tenê ji bo Îranê, ji bo Tirkiyeyê jî tehdîdek mezin e"

Îmîr tekez kir ku hevkariya bi hêzên emperyalîst ên demkî re zirarê dide têkiliyên mayînde yên bi welatên cîran re û ewlehiya herêmî dixe talûkeyê, û bal kişand ser pêwîstiya peymanek ewlehiyê ya xurt li herêmê.

Îmîr bal kişand ser pîvanên tehdîdên sîyonîst û gotinên xwe wiha bi dawî kir: "Gotinên Netanyahuyê qaşo Serokwezîrê rejîma îşxalker, 'Piştî ku em bi eksena Şîa re mijûl bibin, hedefa me dê eksena Sunnî be', di bersiva tedbîrên ewlehiyê yên herêmî de, mezinbûna talûkeyê nîşan dide. Rejîma îşxalker ne tenê ji bo Îran an Lubnanê, lê di heman demê de ji bo Sûrîye, Tirkîye, welatên Kendavê û Misrê jî tehdîdek mezin e. Pêwîst e ku ev tehdîd îro were naskirin û tedbîrên cîddî werin girtin." (ÎLKHA)