Tevgera Hîzbullahê Libnanê, êrîşa Emrîka û rejima sîyonîstan a li dijî Bendera Hudeydeya Yemenê wek “îxlalkirina zelal a hiqûqa navneteweyî û sûca herbê” nirxand. Dûre weha daxuyand, “Ew ê gelê Yemenê gav paşve navêjin, ew ê ji Filistînê re desteka xwe zêde bike.”

Tevgera Hîzbullahê Libnanê, êrîşa Emrîka û rejima sîyonîstan a li dijî Bendera Hudeydeya Yemenê bi zimanekî tund şermezar kir. Di daxuyanîya ku ji teref Tevgerê ve hat belavkirin de êrîş, wek “sûca herbê” û “îxlalkirina bi zelalî ya hiqûqa navneteweyî” wesifand.

Di daxuyanîyê de weha hat gotin, “Êrîşa Emrîka û Sîyonîstan binesazî, tesîsên bender û wargehên sîvîlan hedef girtîye. Ev, bi zelalî sûcekî herbê ye. Û ev ne li gorî hiqûq, kevneşopî û peymanên navneteweyî ye.”

Hîzbullah, bal li ser berxwedan û piştgirîya gelê Yemenê ya ku ji bo Xezzeyê nîşan dide kişand û got, “Gelê Yemenê digel hewqas êrîş, bomberdman, bi sedan şehîd û birîndaran dîsa jî bi tevî serokatîya xwe ya wêrek dev ji destekdayîna Xezzeyê bernedaye. Bi dorpêçên behr û hewa ya ku li dijî rejima sîyonîst daye destpêkirin denklemekî muhîm çêkirîye. Ev êrîşa nû, ew ê biryarîya wan zêdetir bike.”

Di berdewama daxuyanîyê de hat îfadekirin ku Hîzbullah bi gel û serokatîya Yemenê re di nav piştgirîyekî mezin de ye, û bang li alema Îslamê û gelên azad hat kirin ku bila tevbigerin:

“Li hember ev êrîşa wehşî alema Erep û Îslam, divê mesulîyeta xwe ya dîrokî bicîhbîne, li hember zordarîya Emrîka û sîyonîstan bi dengekî bilind îtîrazan bike. Ev bêdengî ew ê ji cînayetên zêde re dawetîyeyan hazir bike.” (ÎLKHA)