Artêşa îşxalker a sîyonîst ragihand ku di çarçoveya îşxalkirina bejahî ya Xezeyê de, ew ê êrîşeke "bê mînak" li dijî herêmên Xan Yûnis, Benî Suheyla û Ebasanê bike.

Rejîma sîyonîst êrîşên xwe yên li ser bajarê Xan Yûnis li başûrê Xezzeyê zêde kiriye û wê herêmê wekî qada şer îlan kiriye.

Berdevkê artêşê Avichay Adraee, Xan Yûnisê wekî "qada şer a xeternak" wesifand.

Avichay Adraee got ku ew ê êrîşeke "bê mînak" li ser herêmên Xan Yûnis, Benî Suheyla û Ebasanê bidin destpêkirin û bang li Filistînîyan kir ku tavilê van deveran biterikînin.

Adraee, bang li gel kir ku ber bi başûr ve, ber bi herêma Mevasiyê ve biçin.

Her çend êrîşên bejahî û hewayî yên zêde di rojên dawî de jiyana sîvîlan tehdît dikin jî, krîza mirovî li herêmê kûrtir dibe.

Di êrîşên hewayî yên 24 saetên dawî de li ser Xan Yûnisê herî kêm 32 Filistînî şehîd bûn. Êrîş bi taybetî li dora bajarokê El-Qara û Nexweşxaneya Nasir bûn.

Embara kelûpelên bijîşkî ya Nexweşxaneya Nasir bû hedef, ku bi giranî zirar da kapasîteya xizmetguzariya nexweşxaneyê. Rayedarên li Xezzeyê dibêjin ku binesaziya tenduristiyê ya wan bi zanebûn hatiye hedefgirtin.

Rêxistina Navneteweyî ya Koçberiyê (IOM) ya Neteweyên Yekbûyî ragihand ku di çar rojên dawî de ji 97 hezarî zêdetir kes ji Xezzeyê koçber bûne. Hate tekez kirin ku ji ber daxwazên îşxalkeran ên ji bo valakirinê, koçberî berdewam dikir.

Ev pêşketinên li Xan Yûnis nîşan didin ku krîza mirovî li Xezzeyê kûrtir dibe û şert û mercên jiyana sivîlan xirabtir dibin. (ÎLKHA)