Li Komara Demokratîk a Kongoyê, hejmara kesên ku ji ber şewba Ebolayê mirine ji 5 hezarî derbas bûye, her wiha hejmara kesên bi vîrusê ketine jî ji 10 hezarî derbas bûye.

Li gorî daneyên hikûmetê yên Komara Demokratîk a Kongoyê, ji dema ku di meha Gulanê de şewb hate ragihandin, hejmara mirovên ku bi vîrusê ketine ji 10.000î derbas bûye.

Li gorî daneyên herî dawî, hejmara mirovên ji ber Ebolayê canê xwe ji dest dane ji 5 hezarî derbas bûye.

Ev belavbûn ji ber cureyekî nadir ê vîrusa Bundibugyo çêdibe. Li dijî vê cureyê dermankirin an vakslêdanek pejirandî tune ye.

Teşhîsa dereng, nakokî û zextên li ser xizmetên tenduristiyê wekî faktorên ku dibin sedema belavbûna bileztir a pandemiyê li gorî serdemên berê têne destnîşan kirin.

Vîrus heta niha li 8 ji 26 bajarên Komara Demokratîk a Kongoyê belav bûye.

Nîjerya bûye çaremîn welatê Efrîqî ku bûyerên Ebolayê ragihandiye, û ev nexweşî gihandiye Rojavayê Efrîqayê. Her wiha li welatên rojhilatê Efrîqayê Kenya û Uganda jî bûyer hatine qeydkirin.

Şewba îsal di dîroka Ebolayê de duyemîn şewba herî mezin e. Ya yekem şewba salên 2014-2016an li Gîne, Lîberya û Sierra Leone ye ku zêdetirî 28.600 kes nexweş ketin û zêdetirî 11.000 kes mirin. (ÎLKHA)