Ji lîderên Hereketa Berxwedana Îslamî ya Filistînê (HAMAS) Samî Ebû Zuhrî jî bersiva quretiya Trump a der barê teslîmkirina hemû êsîran da û got, "Tu qîmeta zimanê tehdîdê nîne".

Serokê Emerîkayê Donald Trump ragihand ku divê HAMAS heta 15ê Sibatê roja Şemiyê danê nîvro hemû girtiyên li Xezzeyê serbest berde.

HAMASê bersiv da tehdîdên Trump. Yek ji rêveberên HAMASê Samî Ebû Zuhrî di daxuyaniya xwe de diyar kir ku divê rêz li agirbesta di navbera HAMASê û rejîma îşxalker were dayîn û got, "Trump ji bîr neke ku peymanek heye ku divê her du alî rêzê lê bigirin û ev yek rêya vegerandina girtiyan e Tu qîmeta zimanê tehdîdê nîne û pirsgirêkan aloz dike."

HAMASê diyar kir ku îşxalkeran xala 4an a peymana agirbestê ya ku di 19ê Çile de ket rewacê binpê kirine û îşxalkerî sozên xwe yên di peymana agirbestê de bi cih neanîne û ragihand ku dewra 6emîn a pevguhertina êsîrên a ku dihat plankirin dawiya vê hefteyê pêk bihata sekinandin. (ÎLKHA)